乜乂人

究竟係球迷不滿隊波成績唔好要揾一個人黎罵
定係雲加真係變左一個老懵董

首先戰術, 雲加d 戰術以前同而家都係一樣
打控球、走位入攝
以前就讚阿仙奴攻勢水銀瀉地, 而家就話佢地戰術單調
會唔會有d 輸打贏要

之後係防守, 我一直都唔覺阿仙奴防守好
03/04 不敗唔係因為防守好, 而係因為前面入得多
我甚至覺得今季防守比前個幾年好 (可能係我o既錯覺)
起碼個龍唔會輸d 失魂波

最後就係買人
雲加從來就唔會買成名球星, 只買後生仔
佢贏到冠軍個時 人地就讚佢點石成金
贏唔到個時就話佢搞成咁係因為唔買球星
有人又話成隊波都係靚仔所以唔穩定
但係d 主力好似 Vermaelen, Cazorla, Arteta 同Podolski 都已經唔細
(佢地仲要係近幾年先買番黎)
阿仙奴真係有好多錢俾雲加買人? 我就唔多信
真係咁多錢就唔會為左個少少轉會費而賣左d 唔肯續約o既sorryla
雪佢地一年睇下仲有邊個敢要佢地
今年賣雲佩斯我覺得係要填番買人個條數

其實自己支持個隊波淪落到只可以淨第四一定會唔開心
但現實係今時今時足球已經唔同左
球員踢波只係為左錢
大牌球星又貴人工又高, 阿仙奴買左都養唔起
連d 新仔都炒要幾千萬
結果阿仙奴只係買到人地唔要個d 次貨
雲加用依d 人都可以年年第三第四, 我真係心滿意足
我唔覺得有人可以做得比佢好
以上係小第愚見