[討論] 如果你係雲加，你會為球隊買或補充或加強邊個位子？

mysteryray

新浪報導：

今夏放走了雲佩斯和宋，阿仙奴今季開賽至今成績滑落嚴重，這一次，看來真的沒有人來拯救雲格了，面對如此窘境，《每日郵報》稱雲格終於準備出手了，教授在接受採訪時親承將會在冬季買進2名球員，而且還會邀請亨利第3度回歸阿仙奴。

「這個冬季轉會期對我們來說非常重要和關鍵，因為我們必須要用掉一些資金預算了。很有可能我們將會買下2名球員，但是我現在不會透露這2個人的名字。不僅如此，我們可能還會租借亨利回歸，我們始終在不停的加盟自己的陣容。亨利是一名夢幻般的球員，是你永遠想要擁有的，他有健壯的體格和出眾的技術，而且踢球的腦子很靈活，所有的優點都集中在了這一個人的身上。最初在阿仙奴的時候他還不是那麼的自信，但是慢慢的他展示了自己巨星的風採。」雲格表示。

《每日郵報》透露，雲格口中的那兩名新援就是水晶宮隊的新晉天才國腳沙夏，以及荷蘭鋒霸亨特拉爾。




我想問一問大家，如果你係雲加，面對今時今日阿仙努既境況，你會用你可以動用既資金來補充，加強或做任何動作來改善球隊呢？
如果你吾係雲加，而是另一位領隊，你又會點做呢？

歡迎大家踴躍會復，講得好，有獎！

noandjune

最重要係一個能力強的防守中場, 即係似馬基利尼(MAKELELE)果種, 唔會情緒不穩容易食牌, 因為梅迪薩卡係一個好中堅, 但輸在速度同轉身慢, 一個好防中就可以彌補呢方面缺點。

其實左右閘(JENKINSON & GIBBS)一對新仔表現更勝正選, 所以就算考慮都係由B隊提升後備都可以

其餘都係"還可以", 不需太急找尋替補, 只係最重要先唔好再出藍斯打正選, 事實好明顯證明斷腳之後完全去唔返頂級水平, 放佢落B隊操返起先再考慮

GQG

如果我系云加叻：
我就会动用所有钱来买d后生既前锋啊进攻中场啊之类啦，誓要坚持同人打对攻，
仲要系后生既，有前途嘛，多几年后又可以卖高价帮球会赚返一笔，掂啊，
至于后防同门将，我地完全无问题，有果几条友就得啦

如果我系另一个领队叻：
首先就系门将啦，CCC尼系唔错，好有前途，但系其他两条友（文路尼，法比）都唔掂咯，
我会买返过打多几年就退休既门将返来（好似基雲同积斯基拿伦）同CCC尼轮，甘样又可以指点下CCC尼

后防山杜士，史基拉斯仲有迪左奴都卖得嘎啦，入返个年轻中卫同左闸就得啦，如果沙格拿要走，
就比佢走啦，赞坚逊已经唔错啦，买多个年轻右闸就得左

防中必须要买返过啦，我觉得叻防中至重要就系打扫下中场同防线之间，比防线一个保护，
食牌都唔紧要，顾好防守就得啦，其他么都唔需要识

至于进攻球员，续约禾确特当然至重要啦，买格策？买亨特拉尔？买唐宁？浪费钱，佢地唔系唔好，
但系既然之前都决定左洗牌咯，买左基奥特，普度斯基仲有卡苏拿，甘就比D耐性佢地啦，
大家都须要时间黎适应下，再加上谢云奴张伯伦佢地仲有宮市亮，暂时唔须要买人啦，迟点先啦



=====================================================
精彩！

GQG

3 秒前

TVB 10000 元

積分轉出

firemic

好話題!

如果我係雲加~
第1: 即時放棄幼齒論,
        放棄所有什麼法國天才,巴西天才.........哩D只係虛名,用黎投資就得,根本幫唔到球隊~

第2: 云加唔好再發嘜野奪冠宣言(包括可以下場打敗邊隊,排名定比熱刺高,歐聯重有機會等等.......)
       根本係死爭把口,無人會再信喱D廢話架啦!!
  
第3:唔好再亂用人啦!
      雖然B隊無咩人似樣,但都唔好出山度士,文路尼哩D廢物呀
        艾沙雲之前fit到流油又唔出,普度C基入一球靚波就推到上天,云加你唔好咁"大細超"得唔得呀!!!!

第4:喱7000萬希望你可以用盡佢!
      入人要入有實力有耐力既~
      亨特拉爾?   吃屎吧!
      哩條條廢柴中既廢柴,西甲出名防守低架啦,佢係皇馬竟然只有單位數字既入波?!
      踢德甲可能就掂,踢英超,死得啦!!!
      快D搵個好似沙比艾朗素,加度素,既熱血中場,依家隊波完全無鬥志既=="

第5:快快賣走禾確特,山度屎,迪佐奴,查馬克(尤其禾確特)~
      影響軍心,快抄!!!

第6:如果我係摩連奴~
      面對哩班波......內憂外患......毫無戰術可變......貼1億比我都唔教呀~
      教西布朗都好過教阿記呀T.T


好似有D離題,sorry

mysteryray

哈哈哈！基少。 。 。 。 。離曬題啦！
或者我遲D開返張貼，名為“你對雲加的不滿”，我幫你copy過去。

jasejalen

i believe that he wont buy any one

firemic

哈哈哈！基少。 。 。 。 。離曬題啦！
或者我遲D開返張貼，名為“你對雲加的不滿”，我幫你copy過去。
mysteryray 發表於 2012-12-1 10:43 PM

哈哈,唔好意思~
依家我怒氣難除.......

jgoh

所谓得中场得天下，一定要买一个有实力的防守型中场，虽然不太起眼，可是却是球队中最重要的一节
阿特塔就是一个不错的例子，可是阿申纳就没有第二个了，阿特塔也是人，每场踢满怎么可能

第二个就是经验到家的门将，阿申纳的门将都太年轻了，板凳实力更加不用拿来跟其他豪门比较
如果能把托登罕的Lorris签到手，那就有希望了

至于前锋，我认为现在的波多斯基，基劳特，沃尔科特已经很不错了

另外就是战术，温格的打法已经让其他球队摸透，过多的传球，但却甚少制造到得分机会
应该参考曼联和巴塞的打法，简单的传球，高效率的得分机会，这才是上策啊

===============================================
精彩！

jgoh

14 秒前

TVB 10000 元

積分轉出

shehboy

平心而論, 响無傷無病無紅情況下, 阿仙奴後防沒有大問題. 曼聯對雷丁都失三球, 車仔都俾韋咸趙三粒, 相對而言, 問題更明顯是前線沒有一個可以孭起入球重責的射手, 雲加屬意的基奧特, 自已目標亦只係全季入10球, 佢踢法唔適合球隊, 謝雲奴, 禾確特雖然自以為好勁, 但從來唔係士哥手.

賣走此三人, 加送雪到硬軚的查馬克, 應該夠換一至兩個更合用的前鋒返黎, 同普度斯基, 卡蘇拿組鐵三角. 我係雲加就會考慮吓即買燕豪芬的D.馬田斯(Dries Mertens), 25歲, 比利時國腳, 矮仔靈活, 有技術有速度, 最重要係up & coming, 仲未有太多人注意, 不至於要同藍色嗰批富豪大會爭(到季尾就未必).

另外, 防中呢個位, 阿迪達根本只係捱義氣, 迪亞比又唔夠穩定, 理想人選有三迪: 迪奧堤, 迪羅斯, M.迪亞拉, 至於費蘭尼, 相信槍手買唔起, 年青啲可考慮史杜文(又係燕豪芬), 經濟啲可考慮麥傑連(新特蘭).


至於艾沙雲, 睇怕留唔到二月, 但我唔肯定佢係唔係真係已報廢, 你睇人地艾巴寧願炒咗奪歐聯的領隊, 都要搵個人返黎達番著費托, 又買埋個馬達同佢夾嘴型, 幾痴心情長劍呀, 你雲加好間唔中至俾艾沙雲出黎掃吓啲垃圾時間, 沙皇都縮到變沙虫啦, 佢上季返到去辛尼特, 根本係唔差.


其他位置都OK的, 可以的話補一個第二門將啦, 人地熱刺都有四個國腳級門將, 叫佢俾個古迪仙尼黎, 隨時威脅到施捷斯尼, 好過佢响熱刺齋坐等踢聯賽盃.


最後奉勸雲加一句, 呢個世界好大, 唔係淨係法甲至有球員供應, 亦唔係只有波蘭至出產好門將!

==========================================================
精彩！

shehboy

12 秒前

TVB 10000 元

積分轉出

firemic

所谓得中场得天下，一定要买一个有实力的防守型中场，虽然不太起眼，可是却是球队中最重要的一节
阿特塔就是一个不错的例子，可是阿申纳就没有第二个了，阿特塔也是人，每场踢满怎么可能

第二个就是经验到家的门将 ...
jgoh 發表於 2012-12-2 07:04 PM

同意~
其實云加應該要學一下車路士,車仔中場線非常利害~
他們新買的夏殺特同奧斯卡,再加上馬達....三個技術型中場,再加米基爾,拉美利斯或者艾辛做防中~

如果阿仙奴有咁既中場線頂住,後防有幾屎都唔使再怕啦~

firemic

平心而論, 响無傷無病無紅情況下, 阿仙奴後防沒有大問題. 曼聯對雷丁都失三球, 車仔都俾韋咸趙三粒, 相對而言, 問題更明顯是前線沒有一個可以孭起入球重責的射手, 雲加屬意的基奧特, 自已目標亦只係全季入10球, 佢踢 ...
shehboy 發表於 2012-12-2 11:26 PM

艾沙雲真係好慘,有料又發揮唔到,聯賽盃果場佢踢到曉飛啦,左面爆死你,我諗云加真係老眼分花了~
講真禾確特真係唔識進步,無腳法,無位置....一味靠快,死衝.....相比下同係速度型既艾朗連龍就好好多啦,人地極速再加識分波,係右面基本上踢晒既~

jgoh

现在的阿申纳班底，跟想当年夺冠军的那支阿申纳比，的确有点距离
西曼，亚当斯，坎贝尔，维耶拉，皮雷斯，忠伯格，亨利，博坎普。。
不是阿申纳退步，而是人家都在加速向前了
切尔西，曼城，托登罕。。。
阿申纳则在慢跑， 如何追赶？
我都不敢想咯

cresvale2001

we should buy a 能力強的防守中場, leting Alex Song go is really no good...

myalligator

如果我係雲加，我會…

1. 買位防中，最好係踢緊英超既，雖然滿意亞狄達既表現，但佢都係人一個，疲勞、傷患遲早出現，買多位輪換下好合理。攻中方面，依家路錫斯基已經傷愈復出，再加卡素拿、韋舒亞、亞狄達等人，會輪換上陣。

2. 買部洗腦機，幫謝雲奴洗洗腦，洗左佢死帶爛帶唔傳波既壞習慣。

3. 買位年過30、國際大賽經驗豐富既龍門，利物浦連拿唔錯。

4. 買位當打既中衛，重有左邊衛。中衛最好已經踢緊英超，速度要有番甘上下，轉身快，制空能力要強悍。左邊衛需要攻防兼備，利物浦既安歷基唔錯。

5. 買位中鋒代替基奧特，因為佢無論射門觸角力量、頭球功夫、身體對抗、keep 波能力、速度都唔強，球隊已經比左好多時間佢提升狀態，但入球率仍然偏底，係時候送佢入雪房陪下查馬克！我雲加要既中鋒頭球可以唔超班，但射門觸角技巧、keep 波能力、速度一定要上盛，睇下享利、雲佩斯既踢法就知我既要求！

6. 我決定痛定思痛買位防守教練代替鮑爾德，佢實在未能提升阿仙奴既防守能力，新教練曾任某英式踢法既英超球隊防守教練，主要負責改善球隊對高空球、定位球、角球既防守！

7. 如果買左噤多人都有錢淨，會考慮買曼城右邊衛李察遜，佢上上落落成部坦克車噤，對住班史篤城、新特蘭…等球隊，身體對抗、速度方面會有著數！

各位球迷，我雲加其實好想買多d球員，好似曼城噤，執多隊有番噤上下實力既B隊，無奈老闆、CEO唔想我洗太多錢，自重起左猶長球場，我都頂左好多年，有d想改變工作環境，最近都無勿心機想戰術方面既變化，所以踢法好單一，希望諒解！（個人睇法）

==============================================
精彩！

myalligator

4 秒前

TVB 15000 元

積分轉出

shehboy

如果我係雲加，我會…

1. 買位防中，最好係踢緊英超既，雖然滿意亞狄達既表現，但佢都係人一個，疲勞、傷患遲早出現，買多位輪換下好合理。攻中方面，依家路錫斯基已經傷愈復出，再加卡素拿、韋舒亞、亞狄達等人， ...
myalligator 發表於 2012-12-5 11:32 PM

如果你係雲加, 我諗你要換咗巴黎聖日耳門做老闆先...