新型冠狀病毒成為全球關注議題，疫情命名亦有爭議，由於最先喺武漢爆發，最初唔少人將疫情稱為「武漢肺炎」，之後中國為免污名化，將官方中文名改為「新冠肺炎」。噚日立法會衛生事務委員會特別會議，討論政府防疫措施，一眾議員對疫情名稱都有爭拗，民主派議員包括人民力量陳志全、工黨張超雄等，就照用「武漢肺炎」字眼。
而「武漢肺炎」嘅說法就觸動咗建制派嘅神經，委員會主席、民建聯蔣麗芸一度嘗試將議員嘅講法糾正為「新冠肺炎」；工聯會何啟明發言時質疑，用「武漢肺炎」字眼係抹黑中國，又反問：「唔通SARS又要加番『香港』兩個字？」但何啟明唔知係咪未fact check喇，今次疫情最先爆發嘅地方係武漢，至於SARS發源地，大家都知道唔喺香港而係廣東。
何啟明夜晚就喺facebook拍片，話就立法會上嘅SARS言論，當時用咗個唔恰當嘅例子，表示萬二分抱歉 |
發表於 2020-3-9 10:40 PM
| 
