貓貓 早晨!!!
呢度 醫療保險計畫,一般為雇傭關係雇主及員工設計,通常雇主會俾大部分保費,員工負責保費部分,雇主會在發薪時扣除。如果冇野做,就要私人投保。私人投保計畫通常保險範圍冇機構投保優厚,保費亦會相對較高。所以如果失業,或者只做兼職,醫療保障就好有問題。較具規模或者政府機構,醫療保險福利亦較好。好既意思,係保險計畫包含幾乎所有專業(專科或者家庭)醫生,病人要俾既比例醫療手術、診療及藥物費都會很低(通常 1: 10)。
至於,係唔係隨時睇,除左急症,直接去醫院急診部,或者一D 24 小時診所,其他都要先同家庭醫生預約,家庭醫生,有D係自己開診所既一般科醫生,有D係隸屬區域醫療中心(呢D中心,有一班屬於一般科既醫生,同埋有一般科需要既設備,驗血、X光...等等)既一般(內)科醫生,有需要睇專科,要由家庭醫生寫紙,再同專科醫生預約時間,專科醫生睇完驗完,有需要先可以排期做手術。我個手腕手術就好快,禮拜一、二睇完家庭醫生,佢寫紙(自己去預約睇專科,都得,但係保險未必俾錢)睇專科,跟住個禮拜四就排到期睇專科醫生,因為手術好明顯有需要,跟住就排到下個禮拜二做手術,前後8日就搞掂!!!
|