[食肆地點] 加啤酒越煲越辣蠱惑的鍋

如果你問得出：「點解食乾炒牛河要加余均益？點解食燒鵝瀨要配桂林辣椒油？點解食福建炒飯要加 Tabasco？」就算你話自己食得幾辣都好，呢份稿你都無資格睇。夏天熱辣辣，仲食勁辣火鍋？愛辣之人食辣有一萬個理由。泰國冬蔭功、印度咖喱，人哋熱又熱過你，辣又辣過你，食完出身汗爽到痹。食唔起咪出聲囉，唔使多多藉口，無人怪你 o架。& q+ m9 C: x. t9 z7 \+ G
os.tvboxnow.com, d9 s: O* U7 C5 }1 J1 R
醉貓打老邊
我認，我係「川味港威記川菜」老客，一坐低，樓面靚姐唔使講嘢，啤酒花生再加拍青瓜已經送埋嘴邊，「仲有碟細版水煮魚嚟緊。」即刻踩停佢，因為我今日要試勁辣重慶啤酒鴨鍋。小舖，易混熟，我喜歡就係呢種 Home feel溫情。鴨鍋上枱， Alina睇見浮喺面嘅辣椒已經怯一怯：「用啤酒煮鴨鍋，咁有創意嘅，係咪好辣 o架？」老闆威哥笑笑口：「其實係老菜嚟 o架，相傳好耐之前，重慶有個醉酒佬貓住打老邊，唔小心將成支啤酒倒咗落鴨鍋，原本諗住照食唔好嘥，點知一食，嘩，好味到不得了。」咪以為威哥講古女仔，十幾年前佢喺「嘉湖海逸酒店」學師，跟咗個七十幾歲四川老派師傅學藝，香料、辣椒運用極度正宗，我撐嘅，就係佢對川菜重味同勁辣嗰份堅持。頂唔順的話，點菜前真係要出句聲。子彈椒、泡椒、花椒、四川辣泡酸菜，再加十幾種川菜香料，掟晒落鍋進行封頂儀式，一上枱已經聞到濃濃香味，未食，視覺味覺已經好大衝擊，「啤酒都好講究，金威、生力、嘉士伯呢類濃味啤酒，最能夠撞出火鍋香味。」入口，啤酒味好隱隱約約，因為基本上已經飛走晒，但鴨味好出，因為啤酒有化油同出味作用，但老實，辣味好似一般咗啲喎。 Alina食得好開心，以為紙老虎得個殼，十分鐘後「非常突然」，佢講嘢開始有啲口齒不清，原本靚靚茄輪嘴突變孖膶腸！威哥話：「呢個鍋堅在慢慢出味，一見開始收水，辣味就會勁升 5成，如果你一開始食嗰陣已經覺得有七八分辣，食食吓你就會爆錶。」蠱惑的鍋陸續有來──酸蘿蔔魚頭鍋是也！泡椒、野山椒、萵笋、秀珍菇做湯底，最特別係自家秘製酸蘿蔔，略帶鹹酸味，湯底唔使調味已經辣中帶酸，打老邊特別開胃。威哥話：「加入上斤重大魚魚頭，除咗令鍋底更鮮香外，辣味同酸味仲會越煲越出味，一樣有加 5成辣效果，好易出事。」tvb now,tvbnow,bttvb8 M& p8 e6 L; I4 i

tvb now,tvbnow,bttvb9 Z2 b) P8 Q. k9 G. M8 e) u
■上枱一滾起，再落半支啤酒，成個鍋即時酒香四溢。

" F, P3 ^9 M9 y5 R
■湯底加入子彈椒、泡椒、花椒、四川辣泡酸菜同十幾款川式香料，辣味極豐富。

■重慶啤酒鴨鍋$178tvb now,tvbnow,bttvb+ h5 q' s8 y. S! G7 `* e
tvb now,tvbnow,bttvb2 c9 q+ D p" W+ Z& w. @# a

■酸蘿蔔魚頭鍋$98os.tvboxnow.com0 ]# Y; t" C& ~' Y9 B2 k

■要辣味夠出，所有香料要猛火爆番一嘢。

■舖面裝修無乜，撐得場為食好嘢，裝修我唔 Mind，有張凳就得 o架嘞。

豬粉腸五分鐘食得 os.tvboxnow.com9 H' I0 d# g' [ G
想辣鍋再惹味啲？威哥話邊爐配料都要互相配合，勁索湯汁嘅響鈴係首選，除咗有春卷咁脆口外，更難得係超新鮮，唔似一般坊間火鍋店，擺咗唔知幾多日，夾起成陣油膉味，「我睇住日子入貨，好多時都係日日清。」其他火鍋店較少有嘅牛爽喉，呢間場一樣有提供，牛爽喉即牛氣管，牛味唔重，食嘅係一份爽脆口感，唔食得太辣者可以一試。喜歡肥美口感者，推介黑柏葉同黃鱔，前者入口索索聲，後者鮮甜肥美，正爆！豬粉腸，咪睇佢黑黑哋以為唔新鮮，「豬粉腸係日日清嘅新鮮貨，上枱前用滷水滷過先入味，所以灼五分鐘食得。」確實，滷水令豬粉腸更惹味，灼一灼配辣味湯汁更加正，最開心係平時要淥半粒鐘，家陣五分鐘食得，香港人秒秒鐘幾百萬上落，呢啲咪細心囉。% e! i" V" J# A3 D, j$ T6 i7 G+ d

■ Homemade酸蘿蔔，成鍋嘅鹹酸味靠晒佢。

■響鈴$38os.tvboxnow.com: N+ z! r) p$ y, V2 g* y; v0 r6 T
% N5 y) _$ }$ p1 @

■牛爽喉$48

■黃鱔$58

■黑柏葉$38

3 |4 v7 U# K& x3 u1 {% a( p
■豬粉腸$38
公仔箱論壇+ H# Y5 s* M3 t% x3 {+ X) T
（大角嘴鐵樹街 46號地下/9813 5761）TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。$ c5 t/ w' O: Z' O3 C6 L( ]
激似一丁湯底味食糖水你會入西貢，食鄉下菜你會去元朗，點解食火鍋要去大角嘴？唔知！但事實大角嘴真係好多好嘢食。Alina強烈推介「靚煲皇」嘅地獄豚骨煲，第一啖湯入口，你會覺得似曾相識，但又噏唔出喺邊度飲過，老闆威廉哥解畫：「呢個鍋玩日式風格，以日本五味子，即辣椒粉、海苔粉、胡椒粉、黑蒜子粉同黑椒粉，加斤半新鮮豬骨熬製而成。」再飲多啖，係嘞係嘞，就係呢隻味道嘞，脷底感受到嘅係日版豬骨味出前一丁嘅湯底味道！辣辣口感又有啲似韓式辛辣麪！呢個鍋用料全部新鮮，唔會屈你飲味精水，唔會越飲越口渴，多咗份鮮活口感。講辣，未必及得上四川風味鍋底，但辣度適中更方便呼朋喚友，圍枱打老邊人人食得開心。未食餸，先呷湯，湯底正到無嘢講，主力用豬脊骨位，骨味特濃，再配豬前掌骨，食其骨髓，「前肢骨髓味道最好，唔揀大大嚿後肢嘅原因，係因為有淋巴藏於其中，影響味道。」老實講，得兩個人開餐，呢個湯底已經隨時將你 KO，份量實在太十足嘞。至於火鍋配料，威廉哥推介配日本野菜盆，$78份量超大，有齊金菇、番茄、冬菇、粟米、蘿蔔同野菜，全盆最正係火炙豆腐，外甘香內嫩滑，豆香四溢，一殼地獄豚骨湯放碗底，一嚿豆腐撈住湯熱住食，我都分唔清係熱辣辣定火辣辣咯。
. _' z' s# w. _7 P3 `- X

公仔箱論壇' j0 @* {3 r3 @' o. h+ P9 _
■地獄豚骨煲$148tvb now,tvbnow,bttvb* c1 F! i; \/ `( V+ d% _0 ]

■日本野菜盆$78os.tvboxnow.com# f5 v- ~: \' m: a. W* s

肥牛入口即化

tvb now,tvbnow,bttvb5 J) b8 ?: e% w K
由於湯底味道超香濃，配海鮮份外能引出鮮味，首選推介大蜆同帶子，咪俾「時價」兩個字嚇怕，睇 Size平均每斤$50至$70，極鮮口，而且每斤平均有 6至 8隻，質素比好多海鮮火鍋店靚成條街，威廉哥話：「無計，我自己都成日落舖開餐，梗要入靚貨，過得自己過得人嘛！」鮮蝦手打蟹子丸亦極具人氣，鮮蝦人手撻成膠，蟹子極鮮味，入口勁彈牙。不過講到我的至愛，始終係極上肥牛，唔係無鮮牛，但極上肥牛油花靚比和牛，薄切入口即化，牛味極重。一句到尾，火鍋配料玩平價以質取勝，一般人頭價百零蚊落樓，仲諗任食火鍋？何必辛苦自己？ os.tvboxnow.com t0 U) n8 ^2 M2 p1 S# x- Y, @