[潮流物品] 日本航空公司 饅頭睡袋做禮物

joey9527

好多公司經常都會送番禮物俾自己客戶，好似電飯煲、電話同超市券都係好常見，而且都叫做實用丫。不過不得不承認日本係創意方面真係幾強，好似日本嘅Solaseed Air為了慶祝長崎至東京航線飛左10週年，就搞咗個抽奬活動，其中一份奬品除了實用之外，造型亦都相當有趣，就係角煮饅頭睡袋。角煮個一舊肉其實就係枕頭，而個饅頭就係睡袋，訓個人入去非常得意，不過佢唔單係得個樣，睡袋採用日本本土的精選羽毛，即使係零下30度用都有保暖功能，仲要有永久保用，係真正嘅居家旅行必備用品，真係又搞鬼又實用！想知點玩，請去官網！