[時事討論] 欺客歪風禁不絕 購物天堂毀招牌

d82622

好嘅開始係成功嘅一半，反過來講，如果開壞咗個頭，咁就隨時衰收尾。十一黃金周啱啱開始，即刻連爆旅行團違規醜聞，真係死性不改！十一黃金周係旅遊業同零售業搵銀嘅黃金機會，業界預計，今年黃金周內地旅客會激增至七十萬，零售業生意增加三成，似乎形勢大好，不是小好。弊在正如星爺話齋，「斷估冇辛苦」，實情係，「丁財兩旺」隨時變「丁財兩空」。呢，黃金周一開始，就有旅行團被踢爆公然違反「一團一導遊」規定，首日由Ａ做導遊，第二日就換咗Ｂ帶團，有團友焗住要買啲唔想買嘅紀念品，即係強迫購物咁解。最離譜就係，涉嫌違規嘅旅行社，老闆竟然係旅遊業議會理事，呢啲咪就係自己友管自己友嘅結果嘞。「一團一導遊」實施半年，首個黃金周已經廢咗武功，所謂「針對性措施」根本就係花拳繡腿，得個睇字。更令人擔心嘅係，強迫購物惡習死灰復燃，曾令內地旅客聞之色變嘅「刀手」又再肆無忌憚大開殺戒。一個四十幾人嘅江蘇旅行團，前晚由香港抵達澳門後通宵靜坐抗議。有團友投訴，在港期間被導遊強迫購物，銀両散盡，連路費都成問題，有家歸不得，唔知點算好。唉，人哋一心一意諗住嚟「購物天堂」盡興，點知搞到吊吊揈，敗興而返，簡直係香港之恥！講到尾，乜鬼措施都係假，加強監管、嚴厲執法至係真。「一團一導遊」又好，「十招規管杜絕刀手導遊」又好，就算講到天花龍鳳，如果當局闊佬懶理，關人個關，有法例等於冇法例，一切都係嘥氣嘅啫。講開又講吖，旅遊業表面好景，其實內憂外患唔少㗎。嗱，旅客數字雖然持續上升，但在港留宿嘅比例其實一直下降緊。仲有吖，港府開發旅遊資源一味大隻講，睇嚟睇去都係嗰幾個景點，旅客唔厭至奇喇。更攞命嘅係，舖租係咁飆，商品售價水漲船高，繼續升落去，「購物天堂」搵阿茂幫襯都得咯。最弊就係，旅遊業服務質素每況愈下，香港吸引力不斷下降，當局居然唔嗲唔吊懶懶閒。前排推出來諮詢嘅所謂強化監管四項建議，到依家都冇下文，擺明又係虛應故事，敷衍市民啦。唔怪得黑店春風吹又生，欺客醜聞屢禁不絕囉！冇計喇，夕陽政府翹埋雙手等收工，事不關己，高高掛起，旅遊業唔七國咁亂至奇。功夫茶想問，係咪要等旅客踩上「門常開」投訴黑店劏客，抗議當局無能，你班懶官至肯做嘢！

aa00

一者、旅議會是無牙老虎。二者、港府對旅遊亂象闊佬懶理。才會有如斯境況。   : h/ k' O! h# }- H( r

# y7 A$ m' ]6 Y2 r1 ^& C坐視劏客醜聞不斷損害本港旅遊業的聲譽，目前的成績還能維持多久？   
1 Q; B5 z+ |- O% m7 W) x公仔箱論壇 TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。, R+ U8 X) \: |8 ^: z  ^
Da..Da.. 各位請看：   
, q6 R' r; t* z! a$ r$ H! Wos.tvboxnow.com
1 E. a9 d& t* ^% f( {+ C
& _2 E1 s1 W! P6 E8 m" T
5 W/ j, J& D$ a+ U" \& o* C2 nTVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。

欣賞維多利亞港夜景曾是內地遊客的最愛。

9 m/ u! H8 \0 u$ n/ `- u公仔箱論壇
% w* H2 m8 c& ]) S9 t
' s, i# _8 T/ Pos.tvboxnow.com $ k% h+ u2 D7 r0 @" z
香港對內地旅客的吸引力受威脅。美國有線新聞網絡公布本年度“Visa全球旅遊意向調查”顯示，內地網民未來兩年最想到訪的旅遊目的地，三大熱門地依次序是澳洲、日本及法國，香港卻三甲不入。
: n- p" H8 b% E( D# ?# M! o1 c
) e. T, V* x/ }3 C3 J 公仔箱論壇, H7 A6 S0 [" j; E) G; s
死未！                 一葉知秋，怕未？