[遊戲] 足總盃估比分小遊戲- 阿仙奴 VS 曼聯

zzleezz

呢個星期六26/1 半夜03:55 足總盃32強重頭戲阿仙奴大戰曼聯,每人估一個比分,估中加TVB 25元 & 功勳 25點
截止時間: 開波前1分鐘


我估先: 阿仙奴 1-2 曼聯

BeiDouChef

我估第2: 阿仙奴 1-2 曼聯

4461

我估第4: 阿仙奴 1-2 曼聯

bosco1234

我估第5: 阿仙奴 1-3 曼聯

zzleezz

十字韌帶斷裂唞九個月　阿仙奴後衞比利連下季再見

zzleezz

【冬季轉會】阿仙奴借拜利　曼聯神回覆
英國《每日郵報》爆料，指阿仙奴領隊艾美利提出今個月借用曼聯中堅艾歷拜利，如果佢表現令人滿意，仲會買斷埋呢位科特迪瓦國腳。不過，紅魔鬼卻唔肯放走呢位大後備，原因係：「我哋冇興趣幫阿仙奴爭英超前4。」

據悉，艾美利唔滿意兵工廠防線表現，尤其係中堅令人難以放心，所以一直想簽入中堅，今次睇中艾歷拜利，提出先借後買方式，除咗認為佢合適之外，亦由於佢合約將於明夏屆滿，曼聯應該會比較願意出售，避免人財兩失。

不過，曼聯立即拒絕，因為紅魔鬼近期成績大反彈，有力同阿仙奴爭英超前4，梗係唔會益對手。即使艾歷拜利屈居於菲爾鍾斯、域陀連迪路夫、基斯史摩寧之後，僅屬於「第4中堅」，亦唔想放佢去阿仙奴。

24歲嘅艾歷拜利上月大勝般尼茅夫4:1，難得擔任正選，卻又食紅牌，停賽3場，搞到蘇斯克查對佢冇晒信心，睇來佢仲有排坐冷板。

zzleezz

英足盃第4圈有大戰上演，阿仙奴在主場對曼聯，平手盤捧曼聯，相信是大部分球迷的選擇。

上周阿仙奴在聯賽贏車路士，的確踢得很爭氣，問題是他們後防有不少傷兵，盃賽要輪換很蝕底，另一方面，曼聯在蘇斯克查帶領下神奇7連勝，包括擊敗熱刺真的很利害。

曼聯已解決所有更衣室問題，加上他們在英聯盃已出局，肯定希望在英足盃博一下，一於信多次蘇斯克查。

IF212

阿仙奴 1-1 曼聯

zzleezz

曼聯8連勝！

周六(26日)凌晨上演的英格蘭足總盃第4圈重頭戲，阿仙奴主場迎戰曼聯，結果紅魔鬼在看守領隊蘇斯克查帶領下，前鋒線遍地開花，連久沉嘅阿歷斯山齊士都有士哥，最終作客以3比1拆廠取得8連勝。

今仗雙方均作個別輪換，曼聯改派阿歷斯山齊士夥拍盧卡古打正選，連格踢攻中，阿仙奴則有施治、美蘭尼爾斯及伊禾比3人正選上陣，場上形勢互有攻守，曼聯的攻勢較直接及把握力較佳，成為今仗勝負分野。

曼聯作客照攻，於上半場31及33分鐘連入兩球，兩次攻勢盧卡古都交出助攻，31分鐘先妙傳阿歷斯山齊士突破越位，A山再扭過施治射入，在酋長球場倒戈入波，並取得個人今季第2球，兩分鐘後盧卡古再送助攻，連格門前控定冷靜射入，為紅魔射成2比0。

主隊阿仙奴於完半場前把握一次埋門，奧巴美揚近門射成1比2完半場，易邊後阿仙奴全力搶攻，曼聯擋過對方浪接浪攻勢，於82分鐘一次突擊，保羅普巴中路勁射，施治擋出不遠，安東尼馬迪爾補射入網成3比1完場。

曼聯今仗射門次數不多，只有8次，當中有4次中框，但已取得3個入球，可見攻門效率之高，前鋒射門甚具質素，而蘇斯克查令球隊不斷進步，魔性愈來愈澎湃，在英足盃燃起爭標希望。