2019年3月29日
圈中有唔藝人都有養貓貓狗狗，不過講到無私大愛專領養唐狗嘅為數不多，宣萱就係個好例子，佢唔止做義工為狗狗發聲，仲會以身作則領養中年成犬，可惜年頭其中一隻10歲老狗先行去世，如今身邊剩番最後一隻唐狗，自然更加愛錫，時時刻刻都把握機會陪伴。
宣萱 滿分狗主
出名愛狗嘅宣萱前後領養過11隻狗，而每次搬新居，宣萱都會選擇准許養狗，兼附近有適合放狗嘅地方居住。日前喺宣萱屋企附近撞見佢，帶齊裝一個人去放狗。一個人一隻狗，天氣靚心情又靚，滿分狗主見到愛犬終於有嘢「放低」，第一件時間用手機影低嚿金，之後再將便便包好，掉去狗糞回收箱，好有公德心！
高峰期領養11隻狗，如今愛犬走一隻少一隻，最後留喺身邊呢隻宣萱特別愛錫，早兩日又趁好天一齊去街街。
行大運重點梗係想狗狗放低幾兩，終於見到靚靚便便，宣萱忍唔住影低張相，盡做狗主責任時刻留意狗狗健康狀況。
多謝 prodigydou 提供 |
發表於 2019-3-31 12:10 PM
| 
