本帖最後由 edmanco 於 2012-8-12 12:49 AM 編輯
我全家移民加拿大20年, 有得著也要有付出, 如家財萬貫移民可以不理
1) 房子越大, 電費,冷暖氣一定用得多.
2) 3000呎房子的地稅, 在多倫多一年大概要4000加幣 (港幣3萬多), 還要每年屋外屋內,花園維修, 保養, 物料費.
3) 當你有$4000加幣月薪, 每次出糧先扣稅退休金大概25%, 實收$3000 , 購物要付GST及PST 銷售稅及勞工稅共13%, 七除八扣實察購買力祇得番 $2600......每個打工仔每年都要會計再報一次每年總收入, 高薪專業人仕, 隨時要再交多15至20%稅! 連銀行利息都要交稅!
4)每個家庭不是一部汽車, 正常係每一個成年人一部. 同香港一樣, 除非你極窮或極有錢才可以住市區, 外國不能靠公共運輸, 死更. 汽車一年開銷也不少, 保險, 牌費, 維修, 電油, 汽車祇係代步工具, 等同家中電器, 除非天降橫財, 如非必要及冇壞, 駕駛8至10年行20萬公里濕濕碎, 換車即是孭多條數上身!
5)同香港不一樣, 出街吃飯很普通, 在加國不是經常去威, pack lunch非常普遍, 食唔完打包很平常, 有衣食是美德, 不會遭人白眼.
6) 日常衣服手袋不需名牌, 著咗都冇人識!
7) 雖說醫療免費, 但某些藥物是不包括, 要醫生紙去藥房配藥購買, 牙醫更加貴過香港, 我老媽子搭飛機返香港種牙"除笨有精". 同香港一樣, 你有私人或公司醫療保險, 當然有"星"級服務. 我有個朋友有公司醫療保險, 入完時忘記申報住大房, 佢老婆補飛申報, 割完胆石, 立刻upgrade獨霸3人私家房間!
8) 加國福利太好, 申領失業救濟金以經"限制多多", 除了政府中央強積金外,政府講明張來老人福利會扣減, 請市民另外買其他私人強積金. |
發表於 2012-8-10 01:39 AM
| 
春有百花秋有月
J
N
