[分享] 用NIKON配TAMRON 24-70mm f2.8 VC A007會曝光過度? ， 描述： 原創內容

bigk

用NIKON配TAMRON 24-70mm f2.8 VC A007會曝光過度係呢支鏡在NIKON MOUNT上的一個質量問題，但用在CANON機上就唔會發生，因CANON是電子式調校光圈，而NIKON的鏡尾部是靠一條撥桿由機身去調校光圈，機械式的設計在產品質量控制上比較嚴謹，但這次TAMRON A007就發生了問題，事源我當日買了A007在店舖中集中測試準不準焦，都覺得相片比我一般拍時比較亮，但在F2.8時又好正常，就不以為意的帶回家，在家中測試時就發覺不對勁，把相機調去"A" MODE, 試拍F2.8, F5.0 和 F8.0，除了F2.8看起來是正常曝光，其他光圈值都是OVER，大約有OVER 0.7~1.0 EV，我馬上拿我支TAMRON 28-75mm A09 出來做同一個測試，發覺一齊正常，再用"M" MODE測試，在機身測光錶顯示正常下拍出來就是OVER了(除了F2.8)，好明顯係支鏡在數據上傳回相機的光圈是改了，但相機控制不到支鏡去改變，知道呢次就煩啦.....，在這個忐忑不安的晚上我在國內[色影無忌]討論區找到同一個問題 http://forum.xitek.com/thread-1040565-1-1-1.html 就知大件事了！

A007的測試 "A" MODE


這張相明顯比F2.8時光亮了很多！




A09的測試 "A" MODE





在第二日回去店鋪話有以上問題，條店員隨手攞住我部機同鏡係間鋪影幾張話邊有問題呀....(我都知呢D店員都係求能其....耍你走)，最終都比我要求換另一支，但都係有OVER問題，咁我話比我加錢換NIKON 24-70又話唔比，心諗今次真係貼錢買難受......咁我唯有回家打開電腦到TAMRON的支授網頁，發了一封電郵告訴詳情，他們很認真的處理我這次事件(確實抵讚)，說大概知道問題，會測試在他們存貨的A007，試過沒有我提到的問題才叫我上去換鏡，過了兩天就收到電話上去攞鏡，一攞佢地支鏡一試，OH....MY GOD，這才是A007應該賣呢個價錢既能力，曝光正常又SHARP，他們說會把我支鏡寄回日本作進一步調查。

我第一次支鏡個SERIAL NO. 係1萬6千幾，第二支都係1萬幾，最係呢支正常既係6千幾，師傅話呢個問題係可以係香港調校番既，以小弟見解可能頭一,二批係自己做QC，之後交由第三方代工組裝出了問題。NIKON既朋友唔好懷疑點解會OVER，唔係你既問題，係支鏡既問題，希望幫到大家！

換鏡後用"M" MODE去影(冇修攺，機身JPG直出)，內裡的測光錶就變回可以信賴了，不用減少0.7~1EV了！

bigk

的確是有過曝的情況，幸好你能更換一支無問題的鏡頭回來，否則真是「貼錢買難受」了！

另外你的試用報告很詳細，還有別的嗎？
WuSoLo 發表於 2013-3-31 08:51 PM

的確係一次難忘既經驗，儲咗錢諗住落D本買一支質素好既鏡頭去開心攝影，點知遇到有QC問題......，目前係得尼個分享，之前在「迪屎兇」分享過就遇到不斷比人兇，都話係自我經驗分享，但就不斷挑戰你唔夠專業，又話器材有問題可以自我克服....人定勝天，講到離題，成班傻佬出晒黎，嚇到我以後都唔會再係果度分享。

再有嘢分享我會再POST的！

bigk

感謝您的信息, 作為相機擁有者，我們不能從商店買鏡頭和詳細測試。
我們測試了一下，並把它帶回家.
相機店應該把它回收,或更換另一個鏡頭.
感謝分享 ...
markhamwong 發表於 2013-3-31 09:18 PM

別客氣，希望大家付出金錢都能買到完整既產品，我都擔心咗幾日......

bigk

Good catch.Wonder why you purchase TAMRON 24-70mm f2.8 since you already own TAMRON 28-75mm A09. I own the 28-75, its work great for me especially in low light enviroment. Again , good judgement to fi ...
ck1975 發表於 2013-4-3 05:43 PM

為何會買呢支鏡呀！只是想在畫質和清晰度上有點提升，我買了D700後一直都是用A09我家人留下時光的回憶，都有三年了，A09中央成像確實不錯，但離開中央一點己開始明顯畫質下降，你如果一般開大光圈影人可能會唔多覺有問題，因離開主體周邊已開始虛化，不聞相會看不出來，但細光圈時就會覺得明顯多了 (好像我這編分享的兩支鏡的相片在網路上縮圖是看不出分別，但在家裡大MON就看得清楚是差一點點)，但呢支鏡絶對係一支超值既全片幅鏡，入門既真係不二之選！ 所以有信心升級到TAMRON支新鏡，新的A007畫質中央到70%範圍提升了不少，有光學防震，我自己在A09正常手持可成功1/30秒，現在可以有信心用1/10秒而不用升高ISO，光學上既提升一點點就是要你銀包付出好很.....多。