英學者研究出射12碼永不射失方法

~嘉~

我都有足球比賽必勝公式
就系..吾計烏龍,只要入波比對方多就一定贏波
我話ge
嘉氏定律

abdias

我都有！！ 吾好比个波入到自己geh龙门！！

scslam14

I've read this from the 903聲音專欄 "鄒凱光-球來球往" on 26 March; exactly what I wanna say to this professor ~

「金句王」Peter王曾經講過，十二碼只有兩個可能性，一係入，一係唔入，不過佢呢個金科玉律好可能宜家被打破喇，喺未來嘅球場上面，十二碼只有一個可能性，就係「必入」！因為利物浦約翰莫爾斯大學(John Moores University)嘅運動科學系專家經過多年嘅研究，找出射十二碼必入嘅方程式。各位前鋒聽住喇：首先射十二碼嘅球員要企到去十二碼嗰一點，皮球嘅後面，面向龍門，向後退五至六步準備，然後當球證「吹雞」話可以射得，就以向左向右20至30度跑向皮球，以五至六步內完成助跑然後起腳，而要確保呢個射球嘅速度至少有104公里或以上，再瞄準門楣下，門柱內嘅半米位置，左右都可以嘅。如果可以完成以上所有程序，約翰莫爾斯大學嘅教授添基保(Professor Tim Cable)宣稱，據統計，呢種射法龍門係絕對無法撲救嘅，保證一定係100%入到波。

專家以最科學、及數據分析出嚟嘅方法，你唔信都好難同佢拗，但呢個方程式亦都唔難學，除非嗰位劊子手習慣係「企定定」，一腳就射，否則退後五、六步起跑，唔難達到啊，而由左至右，以20、30度跑去起腳，點可以肯定係20、30度呢？係咪要帶埋把角尺去量一量呢？但係落場踢波，頸鏈、戒指都唔俾帶，點帶個角尺落去呢？係咪放喺個龍門後邊，到射十二碼嘅時候，就攞出嚟度一度先起腳呢？然後起腳要有104公里或以上喎，咁似乎要加一個打網球開波計時速度嗰啲儀器喇，試清楚點樣可以射出呢個速度先起腳；最後一定要射向左右龍門楣下，門柱內嘅半米位置，簡單嚟講，就即係叫做「死角」喇，叫得做死角就梗係必入喇，但點樣可以射得中死角，專家就無教到喎。

嗰個情況就好似宜家我話你知，只要你有吳彥祖咁靚仔、林海峰咁好口才、Richard Branson咁多身家，你一定輕而易舉就可以得到天下所有美女。你聽完個反應，係咪同我知道呢個必入十二碼嘅方程式一樣，鬼唔知咁就得咩，點做到至得咖，專家！