[奇人奇事] 網民熱話：港媽投訴巴士USB電親人 網民：「無知真可怕」

manyiu

2020-09月14日(一) 11:00   


有家長擔心巴士座位安裝的USB會「電親小朋友」，卻惹來網民嘲笑。

現今不少巴士車廂都安裝USB充電插頭，乘客大讚方便之餘，卻有人擔心暗藏觸電危機？有港媽與小朋友坐巴士期間，對座位上設置USB充電插頭感到十分危險，擔心會「電親小朋友」，在網上發貼「控訴」外，更揚言要投訴巴士公司，結果惹來網民揶揄無知。

Facebook專頁「生仔要考牌系列」昨日（13日)上載一張貼文的截圖，貼文是一名港媽的「控訴」。港媽指帶小朋友搭巴士期間，發現巴士座位上安裝USB插頭，質疑巴士公司「有冇諗過會電親小朋友？」又批評插頭沒有實際作用，「淨係方便啲人打機」，批評巴士公司「罔顧小朋友安全」，擔心小朋友「篤手指入（插座），會電埋旁邊的人」。

不過其憂慮卻換來網民的嘲笑，直指這名港媽「大鄉里」、「幾耐無搭過巴士」，甚至懷疑她「屋企唔使用電」。亦有人趁機解釋USB電壓很低，根本不足以「電親人」，勸喻這名家長應趁機好好教導小朋友，「唔好將手指插入插頭」，而不是「指摘」。

新巴城巴事後在其專頁中以輕鬆手法回應：「放心啦！我哋巴士嘅充電插頭只有5V直流電輸出，單頭嘅插頭電流輸出係2.1A；而雙頭插頭嘅電流就係3A，每個插頭最多只有1.5A...成個USB充電系統都只係一個特低電壓嘅電力系統，非常安全。而且所有USB插頭都符合國際安全標準，唔會咁易漏電。所以即管放心使用啦！」

網民有話說
Gorrie Wong：佢屋企應該喺深山，鑽木取火
Terence Lau：呢個唔係USB插口，係智力測試窿
Jan Leung：地球好危險