2020年2月22日
目前日本的冠狀病毒感染人數僅次於中國,而疫症最早期時,1月下旬就有住於奈良嘅旅遊巴司機受感染,消息一傳出,就即時令奈良旅遊人數大大減少。唔單止日本人唔敢去,連帶多個遊行團都取消行程。平日奈良公園中數以千計嘅鹿由於每日有大量遊人餵食,可以話生活無憂,但宜家遊客大減,呢班可憐鹿仔就要挨餓。以往平日一日生產逾一萬枚鹿餅,如今一半都唔夠,奈良公園售賣鹿餅嘅士多,超過一半都暫時休業唔開門。開門嘅就每日都被數十隻飢餓度爆燈嘅鹿包圍,由於缺乏遊客,有店主都唔忍心鹿仔挨餓,要自掏腰包請鹿仔食,但始終鹿太多,長貧難顧。另外就算有遊客,由於太多餓過肌嘅鹿仔,一拎鹿餅出嚟,鹿仔比平時瘋狂得多,衝埋嚟搶產生危險,店主就呼籲遊客餵鹿時唔好再好似咁逗弄鹿仔,應該要快手拎出嚟再灑滿一地,以免被鹿仔圍攻呢。
![](https://s.yimg.com/ny/api/res/1.2/2Vd4OWz8YYIgasvn31Zr_g--~A/YXBwaWQ9aGlnaGxhbmRlcjtzbT0xO3c9NjQwO2g9NDYw/https://media-mbst-pub-ue1.s3.amazonaws.com/creatr-uploaded-images/2020-02/d62c7290-553b-11ea-bdbc-68094126d5c3)
由於遊客大減,奈良鹿仔都要挨餓。
![](https://s.yimg.com/ny/api/res/1.2/xuLT0LTysl5X7TLTdeNCFg--~A/YXBwaWQ9aGlnaGxhbmRlcjtzbT0xO3c9ODAw/https://media-mbst-pub-ue1.s3.amazonaws.com/creatr-uploaded-images/2020-02/ddde8280-553b-11ea-83f3-d0f07dae08fb)
遊客出現餵食,所有鹿仔都會衝過去搶。
![](https://s.yimg.com/ny/api/res/1.2/xrU9n8kn_5QXw49FQZJBKA--~A/YXBwaWQ9aGlnaGxhbmRlcjtzbT0xO3c9ODAw/https://media-mbst-pub-ue1.s3.amazonaws.com/creatr-uploaded-images/2020-02/e7fcfe90-553b-11ea-bdde-0d6ccba055a0)
肺炎疫情之下連鹿仔都受害! |