剛於歐霸盃晉級4強的曼聯，周日回師英超殘陣造訪今季靠主場搵食的般尼，贏波恐有難度。
曼聯剛於周中歐霸盃藉小將拉舒福特於加時階段的入球，主場以2:1力挫安德列治，兩回合贏3:2晉級，4強將會面對西班牙的切爾達。由於歐霸盃冠軍可直接躋身來屆歐聯分組賽，紅魔主帥摩連奴早已表明於歐霸封王是他們今季的最大目標。
英超方面，曼聯於上周主場2:0擊敗車路士，目前仍落後第4的曼城4分，但較對方踢少1場。不過，紅魔於之後英超賽程相當難踢，分別仍要作客曼城、熱刺及阿仙奴，因此要於聯賽爭入前4有一定難度，倒不如集中火力衝擊歐霸寶座。
況且，曼聯陣中射手伊巴謙莫域於周中歐霸盃因傷退下火線，將與馬高斯盧祖一起錯過本季餘下比賽。另外，紅魔防線同樣佈滿傷兵，基斯史摩寧及菲爾鍾斯將齊齊缺陣，另一中場桑馬達則已宣佈提早收咧。
般尼目前於英超得36分，當中32分是於主場取得，可見其主場威力不容忽視，利物浦及車路士等勁旅到訪亦曾先後失分而回。陣中並無主要傷兵，只有中場馬恩尼肯定倦勤。
般尼VS曼聯
般尼
傷兵 馬恩尼
停賽 /
曼聯
傷兵 伊巴謙莫域、馬高斯盧祖、基斯史摩寧、菲爾鍾斯、桑馬達
停賽 / |
發表於 2017-4-23 02:49 PM
| 