4-2-3-1陣式的真正考驗

puma8811

黎緊星期日，我地作客曼聯。

我覺得，係一場真真正正嘅比賽，去考驗我地嘅4-2-3-1陣式嘅能耐了。

自己睇番對Westham同Reading嘅全場比賽，雖然係贏左攞三分，但攻擊力同進攻流程、順暢、變化上，並唔係好，亦得過亂，毫無章法。

始終，我地球員係互相走位、疊瓦式助攻上，毫無意識及默契，衰過係街場踢波d業餘人仕。

入波只係單靠Torres嘅質素致勝，以及同Gerrard嘅互相配合而已。

Babbel經常斷纜，古治經常控失波、番後太多。

後防對free kick同corner嘅差劣表現，永遠令人提心吊膽。

正如上次人地作客黎，明知我地興玩壓迫戰術，佢就反其道而行，大打龜縮戰，從而以一個頭鎚去贏我地。

費格遜明知我地，入波單靠Torres，同後上嘅Gerrard，佢一定諗辦法搵人去凍結Torres。

如果Babbel同古治，仍然發揮唔到係呢個陣式下，前鋒嘅威脅力同入球能力嘅話，變相幫左對方，難以取勝。

因此，我對呢場波，唔會期望過高，和波已收貨了。

最後，希望Benitez唔好突然又玩變陣，玩乜4-5-1了。堅持用番呢個原陣4-2-3-1，去檢視我地嘅實力吧!!!

Good luck to us on coming Sunday!!!