什麼東西來的 這個好像不同宇宙線的吧 
BeiDouChef 發表於 2018-5-19 07:31 PM 
東映動畫更加新成立一個「龍珠部」專門負責擴展呢個系列，佢地第一個企劃已經出爐！
龍珠好快會有新動畫睇，不過並唔係繼續《龍珠超》本篇故事，而係背景設定有好多唔同嘅外傳。
呢套新作叫《Super Dragon Ball Heroes》，其實原本係日本卡牌街機遊戲，今次動畫化亦係為左宣傳隻 Game。
不過呢套唔係正常電視動畫番，而係短篇「PR 動畫」，暫時未知會做幾多集。
第一集將會喺 7 月 1 日日本一個龍珠活動首播。
《Super Dragon Ball Heroes》街機本身就一直有自己嘅故事，不受正篇規限，可以有好多 fans 夢寐以求嘅場面出現。
例如故事涉及「宇宙狹縫」，令一個時空同時出現兩個悟空，而且分別係兩個登峰造極嘅境界：超 4、超藍。
今次動畫化會包括兩大故事篇章，首先係「宇宙力量大會」。但參戰角色、事態發展、結果全部都同《龍珠超》好唔同。
第二個篇章就係「監獄惑星編」，一個神秘人物 フュー (FU) 將未來杜拉格斯及一眾 Z 戰士鎖喺監獄惑星，並且用龍珠召喚邪惡撒亞人。
就睇下一班來自唔同世界嘅龍珠角色 (有齊正篇、劇場版、GT 角色) 可唔可以合作對抗強敵。
雖然唔係正篇，但可能岩岩睇左《龍珠超》咁耐，睇下呢 d 更加瘋狂嘅「IF 情節」仲岩。希望唔係做兩三集就完啦！ |
發表於 2018-5-20 10:05 AM
| 
發表於 2018-5-20 10:07 AM
| 
