油炸鬼，中原及北方人叫佢做油條，係中國傳統嘅民間小食，佢其實係一種油炸嘅麪粉團。
佢嘅製法亦都好簡單，只係將小塊麪粉團拉長，中間用刀背微微咁印一吓（等佢炸完後好似有兩條嗤埋咁），跟住放入滾油度炸，炸至麪粉團漲起，色澤變成金黃，形狀變到好似一段脛骨咁，就可以撈起上架擺賣。油炸鬼有時會同粥一齊食。
油炸鬼原本係叫做油炸檜；檜即係宋朝時代一個被公認為奸相嘅秦檜；而油炸檜就係後人因為勁憎呢個奸相曾經設計陷害忠臣岳飛，恨佢做禍國殃民嘅事，於是創作呢種民間小食嚟發洩，寓意秦檜同佢老婆死咗之後除咗希望佢哋落地獄之外，重要俾閰羅王放佢哋落滾油度炸嚟懲罰佢。由於係咒佢哋兩公婆，所以油炸鬼一定係好似有兩條嗤埋咁樣。
後來呢隻嘢食嘅名喺歷史上一路流傳，演變成今時今日嘅油炸鬼。而油炸鬼係外國亦俾人叫做Chinese Donut（中國冬甩），因為佢同冬甩一樣都係炸嘢。
另一種講法係油條傳到落福建，閩南話稱為「油炸粿」或「油押粿」，廣東人聽到就直接叫做「油炸鬼」（油炸鬼同油押粿同音，就如炒粿條變成炒鬼刁或炒貴刁） |
發表於 2011-9-24 11:36 PM
| 
發表於 2011-9-25 07:17 AM
| 
