香港筏釣目標魚.主要係烏頭、立魚..等..今年釣烏頭好似幾好收穫.
就講三門仔好多人都上倒20、30條.走前劏好晒幾十條烏頭一字排開或叠高影張相.幾壯觀..幾利害...
可以叠得咁高咁齊.因為係死魚.新手門係咪一見倒張相就 嘩 ! 咗出泥呢?
你都想釣倒咁多?只要你細心看下去照做.你時常都可以釣倒咁多.
當你釣倒咁多既時候.記住一樣野.當每人15條每日又有幾多人上排呢!?
一個月屠城完畢.再釣倒既就係近期見倒既BB烏頭.快子都長過佢...
筏釣c..咁....我唔通唔釣呀? 唔係!當釣到多既時候你可以唔好剎佢地.用個盆加小小水影幾張相或者就在排上影.
影完咪放返Ｄ落海囉. 但係..我想食喎!?要食攞幾條就夠.我同家人都好鍾意食魚架喎..!
但你同你家人都唔會喜歡.連續幾日食同一種魚.雪得耐又唔好食.
清潔~愛謢環境
千萬唔好張垃圾四圍掉.釣完魚就打小小水沖一沖釣位.垃圾要包好放在排上的垃圾籮.
可以的話自己帶走.私排最好自己帶走垃圾...飲品、食品、誘餌粉、魚絲、鈎、鉛..等..
咁重都帶倒去.帶走有幾難.有人會覺得我比左錢上排點解要我自己做!?
啱...但係你有冇見過你想釣果個位好多粉、虾喺地上?
咪又係自己沖.做多小小.個個係咁做大家就有個清潔既地方.釣魚都開心Ｄ啦.
小心大風吹Ｄ膠袋、垃圾落海. 還有好多人都冇留意剪出來的一條小魚絲.就掉落海!
諗諗釣一日每人2m.每日有幾多人去釣魚.海中有幾多m魚絲和膠袋在飄浮?
好多師兄都會試過睇睇吓魚訊有垃圾飄過來.仲多數都係向住你條絲飄過來.
左閃右避又攞野篤走佢.之後媽媽聲.但你自己有冇試過唔小心被風吹或掉過垃圾落海?
記住被風吹咗你Ｄ垃圾落海都關你事.因為你冇放好你Ｄ垃圾.
我諗大家都唔想破壞大自然.做多一點點比多小小空間Ｄ魚生活.
又唔會成日鈎倒膠袋、廢魚絲
有Ｄ師兄仲會幫排主帶Ｄ垃圾上岸掉.咁做就最好不過啦.
因為唔知排主會唔會張Ｄ垃圾掉落海
用唔晒既誘餌粉可包好帶回家放落雪櫃 .大多誘餌粉搗落海對海洋唔會係好事!
對你日後釣魚都唔會係好事!
魚排多數在內灣.水流唔會太大.沖唔走過量既誘餌粉.慢慢會變成沈漬物.
對魚類生長有好大影響! |
發表於 2009-5-30 03:53 PM
| 
