2020年09月07日
港女委屈，「好憎自己個阿媽」。
重男輕女的觀念在部份老一輩眼中仍然根深蒂固，不少女兒深受其害。有港女近日發文訴苦，指從小到大媽媽都偏愛弟弟，30多歲的弟弟仍然一事無成，而港女就一直勤奮讀書，交出4成人工養家，但仍被媽媽責罵，更叫她幫弟弟買樓，令她非常委屈，「好憎自己個阿媽」。
資料圖片
港女在「生仔要考牌系列」Facebook專頁發文，指媽媽一直拒絕學習，不懂煮飯、交水電費，甚至不懂搭地鐵，港女從小就經常要打點家事和照顧媽媽，也因此她從小就努力讀書，現在也有份自給自足的工作，更交出自己人工4成的家用，「但我阿媽好怕我有多餘錢，例如每次見我買咗件衫或買咗對鞋，佢都會大吵大鬧話我有錢洗都唔俾佢」，令她一直無法儲錢，更被媽媽鬧「廢物」。
資料圖片
而弟弟更被媽媽縱壞，小時弟弟不讀書，媽媽就威脅港女幫弟弟做功課，「唔係嘅就吊起我嚟打，所以由細到大我成日滿身滕條痕咁返學，啲老師都見到慣晒」。結果弟弟中三都未畢業，每日在家無所事事，但媽媽就說「唔緊要，阿媽養你」。弟弟20多歲才肯出來打工，只能找到低人工的工作，媽媽體諒他不用交家用，更要港女給弟弟零用錢。
港女指，媽媽威脅她幫弟弟做功課，「唔係嘅就吊起我嚟打。」資料圖片
到現在弟弟30多歲，仍然一事無成，「仲每日攤大手板問阿媽攞錢。阿媽啲錢邊到嚟？又咪係我度嚟！」更令港女生氣的是，媽媽最近更叫她幫弟弟買樓，「我自己都買唔起樓，仲要幫你個仔買樓？」
港女表示，每次想和媽媽談話，「佢話我冇資格教佢做嘢，佢話只會當個仔係仔，係唔會理我感受。我試過問佢點解佢咁憎我，佢話因為我唔係仔。」而多年來爸爸也沒有嘗試幫女兒，「睇住個女俾個老母咁對待，咁多年一粒聲都唔敢出，仲叫我忍吓忍吓就一世」。
港女多年來飽受阿媽重男輕女之苦。網圖
港女的故事引起網民熱議，「唔需要愚孝，不值」、「必須跳出情緒勒索」、「妳應該有能力自己搬出去住。走啦！佢唔當妳係女，妳一蚊都唔好再比佢」、「你都有返咁上下年紀，父母唔為你打算，你都應該好好咁為自己打算下之後的日子點樣過」。 |
發表於 2020-9-8 12:47 PM
| 
