今晚英超獨腳戲，阿仙奴主場對布力般流浪不妨再跟多鋪，捧「讓球主勝」。（now 632周二凌晨４時直播）
布力般流浪呢支黑馬一向唔好惹，曼聯近幾季就多次栽佢身上，但另一支勁旅阿仙奴對住布力般卻如魚得水，近四季聯賽主場對布力般全勝，近三季更係大勝三球或以上。阿仙奴贏得布力般咁輕鬆，主要係雲格懂得以柔制剛道理，唔會下下同「暴力般」硬撼，令布力般班後畀佢搞到轉。
雖然阿仙奴今仗有多名球員受傷，包括門將艾蒙尼亞、後佐羅、辛德路斯、中場路斯基、戴亞比及前鋒尹佩斯等，但阿仙奴二線兵一向多才多藝，以上幾名傷兵並非無可取代，最緊要係狀態大勇艾迪巴約同中場指揮官法比加斯可上陣，前者近六場聯賽射入八球，狀態弗到漏，足以摧毀布力般防線。
阿仙奴多傷兵，但布力般個陣仲殘，隊長賴恩尼爾遜繼續倦勤，高大中堅基斯杜化森巴、中場鄧尼同左翼摩頓柏達臣停賽，奧查及史提芬列特均有傷上陣成疑，布力般中後場後備兵源一向不足，踢來踢去都係班人，今場一次過有咁多主力缺陣，情況實在令人擔心 |
發表於 2008-2-12 01:22 AM
| 