其實做球迷冇一個特定的支持方式
有人喜歡100%支持, 不論成績功過
不少中國古人都有呢種美德
明知自己君主昏庸
但都甘願為國捐軀
呢種絕對係一種美德
可能有人話盲目
卻充份反映出佢既愛
正如你愛一個人
你會好自然地接納佢既短處
醜態也是絕美
呢種愛冇人嫌棄的
但另一方面又有人喜歡愛之深責之切
好似不少革命人士
為國家好而企出來反政府
難道孫中山先生不愛國嗎?
古時亦有不少忠臣諫官
不惜被斬都要勸謀君主
為左乜? 為左國家好姐
呢種較理性既方式
亦係一種愛的表現
所謂打者愛也
呀媽見個仔誤入歧途而打佢
難道呀媽唔愛個仔?
正正就是著緊、愛的表現
寧作真小人
呢種都係美德之一
撐賓既原因係乜?
因為賓sir曾令利記風光
所以撐佢
亦即係對利記有情
美國佬都係利記一份子
又唔見人出聲撐佢地?
因為佢地對利記無情
所以冇人對佢地有義
反賓既最終目的係為乜?
係為左令利記好
眼見球隊處於谷底
賓sir一籌莫展
可能分手會係一種解脫
至於分手後利記前境會點
已經係另一回事
不過
有一樣係大家立場一致的
就係反美國佬
最終目的係乜?
都係為利記好
感性既人發現唔到利記既問題嗎? 不是
理性既人對利記無情嗎? 不是
其實響整件事上好難取一個平衡點
尤其響呢度追得多post的話都發覺兩邊各有道理
不過
既然大家都係愛利記, 又想利記好
在討論的時候可否用較溫和的語氣
彼此尊重
互相接納呢?
坦白講
我自己傾向反賓的
我認為呢半年唔炒賓sir係冇問題
因為就算而家有新領隊都買唔到人
但我以自己既觀察來預料
半年後既利記改善唔會大
我都好想自己跌眼鏡
我好想賓sir走黎串我：睇死我呀拿, 我而家威俾你睇
我更想賓sir帶領利記下一年就拎英超, 完成5年計劃
入得黎呢度
有邊個唔想?
意見分歧絕對係平常事
請謹記, 大家既矛頭係指向外的
唔好再為了嗌贏人地而出post
你可以不斷重申你既觀點(我成日都做)
或者對對方既觀點不同意時提出來討論
但唔好為了贏對方而攻擊別人了
老實說
雙方都有不著或過火的地方
反賓的會諷刺撐賓的是紅衛兵
我覺得都幾hurt嫁
撐賓的又質疑反賓的是否利迷
呢點亦係令人沮喪的
我唔係針對某個人或某一派
而係俾所有利迷的
唔好問我"過火"的定義
你自己撫心自問
你出呢個post係咪為左嗌贏人地
如果唔係的, 歡迎你按"回覆主題"
否則
請三思
唔好以為改下d字眼
用婉轉譏諷的字眼就叫溫和
所帶來的傷害可能還要大
總之一句
萬事以和為貴
家和萬事興
|
發表於 2008-2-5 08:21 AM
| 
