香港有唔少上市公司都係家族企業，如長實（00001）、新鴻基地產（00016）、恒基地產（00012）等，加埋佔咗差唔多四成市值，都咪話唔誇張。
家族企業就梗係要由家族擁有啦，此外，仲要有家族成員參與營運，而且有承傳嘅安排。
外國有機構統計過，家族企業嘅總資產回報率（ROA）平均較非家族企業高6.65%，Prof. J認為原因係家族企業嘅管理成本較低而決策效率較高。再加上經營成果係歸家族共享，利益一致，令到「政通人和」。但家族企業都有佢嘅問題，「裙帶關係，用人唯親」，稍為處理不善就會造成「外戚為患」，令到家族同企業利益衝突。當家族利益凌駕企業利益嘅時候，企業就會無法獨立經營，優秀人才難以進入管理層發圍。
港大電子金融服務榮譽助理教授 徐燦傑 |
發表於 2013-1-15 12:53 PM
| 