中央強調城鎮化仍然係未來工作重點，刺激一眾內房股持續表現強勁。綠城中國（03900）股價年初至今升咗3倍，同時市場預計明年內地樓市銷售穩定，樓價仍會上升。咁嘅憧憬下，Prof. J認為綠城估值未算貴。
綠城以前嘅高負債比率限制咗佢嘅增長前景，但自今年六月先後有九倉（00004）注資，並向融創中國（01918）賣出部分項目權益組成合營公司之後，集團嘅財政狀況已大大改善。
管理層指，未來會減少高端樓盤嘅比例，增加主流樓盤供應，此舉令新嘅可供銷售面積上升，提高利潤率及資金回籠嘅速度。依家綠城一三年預測市盈率仲係六、七倍之間，加上股價相對資產淨值有一定折讓，可憧憬機構投資者為集團重新估值。
港大電子金融服務榮譽助理教授 徐燦傑 |
發表於 2012-12-21 12:21 PM
| 