香港人對時間廊、眼鏡88呢兩個品牌應該耳熟能詳，揸住佢哋嘅集團叫寶光實業（00084）。該股上星期突然宣布發五年期可換股票據（CB），行使價為1.95元，籌集3.71億元，股價不跌反升，仲要重上九五年高位。
寶光係向私募基金博裕資本發CB，博裕其實大有來頭，牽頭人江志成係前國家主席江澤民長孫，同時仲有好幾位財經界明星如張子欣、馬雪征等，卡士強勁。今次咁大動作，Prof. J覺得係為咗增強市場對寶光嘅信心。市場則希望星級人士可為寶光帶嚟協同效應，突破業務瓶頸，同時借用博裕喺內地嘅良好網絡大展拳腳。
港大電子金融服務榮譽助理教授 徐燦傑 |
發表於 2012-12-4 06:09 PM
| 