啱啱出咗中期業績嘅理文造紙（02314）不負厚望，受惠於今年夏季造紙成本下降，理文中期盈利增長4.3%至6.74億元，兼派中期股息每股5仙。管理層雖然對前景比較審慎，認為行業仲係供過於求，不過Prof. J留意到整體產品價格喺九月已經升番啲，可解讀為行家都覺得有加價空間，咁理文嘅定價能力就會有好轉。不過，售價上升可以有其他原因，如廢紙成本上升，要睇埋下次份報告純利有冇增長。
只不過單睇公司素質，理文造紙嘅負債、經營現金流同盈利能力等方面都勝人一籌，而且人仔升值對降低紙廠嘅原材料進口成本有幫助，加上預期一三市盈率只得9.4倍，估值吸引。
港大電子金融服務榮譽助理教授 徐燦傑 |
發表於 2012-11-27 03:34 PM
| 
