國美電器（00493）第三季虧損按季收窄至近1.9億元人民幣，同第二季比就無蝕咁多。但Prof. J就覺得家陣國美情況唔係咁理想。
國美其中一個難題，係公司除咗面對行業減價戰外，自己仲陷入「自相殘殺」嘅局面。減價係惡性循環，網購減價，令以前享有較高毛利嘅實體商店亦跟住減。結果兩個營銷渠道並無產生協同效應，仲成為競爭對手，令業務模式流血不止。Prof. J覺得，如果國美可以先針對性地處理核心業務模式嘅問題，譬如重新審視電子商貿嘅定位，到底能否切合公司經營需要、點樣同實體商店達到相輔相成等會更好。
港大電子金融服務榮譽助理教授 徐燦傑 |
發表於 2012-11-23 01:11 PM
| 