隨着環球推出金融寬鬆政策，Prof. J覺得金融板塊又可以睇高一線，始終金融做嘅生意同錢有關。不過，仍要嚴選優質金融機構，以免被壞帳毒債拖累。友邦保險（01299）帳目清晰，兼有多年信譽，而且保險業務正好吸納游資，潛力不容忽視。
集團嘅亮點在於其增長潛力，地域多元化亦係穩定增長嘅關鍵，友邦於馬來西亞、中國及新加坡市場喺過去十二個月表現良好，而友邦剛剛收購ING馬來西亞業務，雖然出價唔算抵，但睇番其管理層之前收購嘅往績，相信新收購業務有助提升每股盈利。友邦透過新業務嘅動力，攻入亞洲區，購併發展將成為主要催化劑。
港大電子金融服務榮譽助理教授 徐燦傑 |
發表於 2012-10-30 07:29 PM
| 