尋日一單中證監收市後有利好政策出台嘅消息，即時將中港兩地股市炒起，可惜收市前已證實係流料，而過埋今日好快就進入傳統嘅股災月十月，睇嚟後市仍然係暗湧處處。
股價稍作整固一日之後，手機股TCL通訊（02618）尋日又再開車，飆升近8%。睇番炒上原因，係公司高層表示最快出年第二季推出4G手機，並且唔排除同騰訊（00700）合作發展手機咁話。雖然上述消息憧憬成分居多，但隨住踏入下半年嘅傳統銷售旺季，公司八月份嘅銷情已經有所好轉，手機同其他產品按月升23%至363.4萬台，加上往績PE四倍都唔夠，如果有機會落番2.5元左右嘅話，值博率已經開始浮現。 |
發表於 2012-9-28 03:24 PM
| 