年初於美國CES展覽公布的新一代3D Internet TV開始陸續供貨，搶先登場的有Sony BRAVIA HX850系列，用上改良版Monolithic外形設計，從影像處理引擎、背光系統到影像調控，都落足工夫提升畫質。小記戴上新款3D眼鏡一試，畫面流暢度極高，層次對比更見鮮明，市場上冇幾多款電視可做到咁靚嘅效果，「畫質先決」的用家揀得過！針對人面優化BRAVIA的畫質向來口碑不俗，今次更為HX850注入新技術，進一步提升顯示效果。其中一項是引入X-Reality PRO視像處理功能，採用雙晶片架構，可以從訊號模式數據庫比對輸入訊源，以顯示出最佳效果；較特別係支援面部偵測功能，能夠針對人面膚色或文字範圍進行優化，令整體表現更理想。面板方面，新機引入Dynamic Edge LED（with Local Dimming）分區調控背光開關，無論亮度或對比度都較一般LED優勝，表現暗位或細微變化時更見功夫。
新3D眼鏡輕42%唔少3D電視顯示立體畫面時，都會出現唔夠光及畫面抖動等問題，為此新機加入Motionflow XR800Hz暢動流技術，有效減低高速移動影像出現殘影的機會，睇波或睇動作電影時，最能察覺到當中的分別。不過，睇3D電視還是需要佩戴3D眼鏡，前兩年Sony 3D眼鏡仍然比較笨重，到2012年版卻煥然一新，以無框配鈦金屬製造，重量只有34g，比上代輕了42%，而且左右鏡片之間呈10度傾斜，減少入射光源影響，長時間佩戴都唔覺累贅。而跟機已附送2副3D眼鏡，如在4月15日前預訂更將多送1副。
懸浮機身設計3D眼鏡改動較明顯，其實HX850的Monolithic機身設計都有不少改良，薄身金屬底座內藏揚聲器，毋須另接火牛，加上邊緣位偷薄，令機身視覺上有懸浮的Cyber感覺。至於Internet TV網上娛樂功能，則大致同上年型號差唔多，可上網連接Sony Entertainment Network介面睇新聞、天氣同YouTube影片等，亦能加入facebook、twitter等社交網絡，當然最方便是能透過內置Wi-Fi連線，唔使左駁右駁咁煩。
HX750系列更經濟另一新系列Internet TV HX750，規格跟HX850相差不遠，只係配上X-Reality影像引擎、400Hz暢動流技術同全區域控制式Dynamic Edge LED技術，比同尺寸HX850平$3,000，預算唔多的話，值得考慮一下！
同場推介 BDV-N990W 3D藍光組合配合新電視當然唔少得新款5.1聲道3D藍光家庭影院組合，當中最吸引是配備創新磁流揚聲器的BDV-N990W。整套系統備有4個流線型座地揚聲器，以及新設計的Slot-in藍光機，可經Wi-Fi接通網上娛樂世界。
售價：待定
|
發表於 2012-3-31 05:27 PM
| 
發表於 2012-4-7 04:23 AM
|