開講都有話：人比人，比死人。最近立法會秘書處建議，將下一屆立法會議員嘅薪酬水平同政策局局長月薪嘅一半掛鈎，由現時每月七萬多元增加至十四萬元；有現任議員就話建議有助吸引更多社會精英投身政界。( X j% z1 q) h6 B
8 }' ?" E D: M) c% s* E公仔箱論壇是耶非耶？打句官腔：見仁見智咯！之不過，輿論或民間就有好大回響！嘩！一加成倍，唔好去搶！嘩！超級筍工嘥公帑，值唔值啊？一諗起啲尸位素餐嘅議員，尤其部分來自功能組別嘅議員，有啲懶到出汁，經常缺席；有啲徒具「虛名」，霸住個尊貴嘅議員寶號卻從未提過動議和修正案……如果咁仲狂加人工，點服眾？ u7 X f5 @2 k" M% a公仔箱論壇世事冇絕對，只有真情趣！信焉！嗱嗱嗱！離岸特首、視民望如浮雲嘅煲呔曾，年薪約四百四十五萬，都高過美國總統奧巴馬（約三百一十萬港元），只係輸畀新加坡總理李顯龍，全球排第二！呢個世界好多嘢係不能以常理推測o架，香港史上「最廢財爺」鬍鬚曾、「人肉錄音機」嘅政務司司長林公公年薪都近四百萬，一樣高過奧巴馬！所以話尊貴嘅議員，即使質素再差、能力幾不濟，十四萬——又點算高呢？公仔箱論壇: }( f! I9 ^$ Y* P' X" V
都話人比人，比死人咯！相信老朽如果問煲呔曾：你話立法會議員加薪一倍值唔值？浮雲曾必雙手合十：「阿彌陀佛，甚麼都是浮雲！好與壞，一念之差，大家向前看，善哉善哉！」人之將走，果然如浮雲之飄逸！蒼蠅附驥尾，一樣可至千里。老朽釋然！一眾議員一於加薪至五十萬一個月喇！
發表於 2012-2-7 09:46 AM
| 
