美國CES直擊 同 SMART TV講Hi 聲控「睇」感
全球最大消費電子展CES剛於美國時間周二揭幕，小記在主場館游走一圈，已發現多間電視大廠打住「SMART TV」旗號做宣傳，但到底點先算得上真正Smart呢？Samsung今年在CES展覽出招，除加強「Smart Content」內容之外，再在新一代高階電視系列ES8000，聰明地加入「Smart Evolution」晶片提升電視功能，仲可以玩埋「Smart Interaction」聲控兼體感控制電視，科幻得來又實用！ES8000雙核新設計未講2012年Samsung SMART TV有幾Smart之前，都好值得介紹吓ES8000的超強設計跟規格，其最大賣點是用上雙核心處理器，睇電視時都可Multi-tasking！據Samsung解畫係當用家下載新Apps時，都可以流暢地上網瀏覽網頁。另外機身尺寸亦大包圍地推出46吋、55吋、60吋、65吋同75吋，又係多到總有一款適合你需要嘅地步。而且電視機底部換上「U型」底座設計，配合超薄機身及特幼邊框，充滿科幻感；機頂位置更整合鏡頭，除可用來玩Skype視像通話之外，更可用於「Smart Interaction」的面部偵測同體感操控。
插晶片升級電視「Smart Interaction」主要係簡化操作電視功能，好似只要對ES8000講「Hi TV」，便可開機進行聲控操作，再講「Volume Up」、「Channel Down」就可調校音量同選台，不過現時只支援英文，想講句「亞視嚟嘅！」揀台仲未得。小記現場試玩時，同電視講聲「Smart Hub」便可進入全新Smart Hub介面，下載Apps兼上網，這個時候更可用手作體感操控，擺動手掌能充當滑鼠使用，握緊拳頭代表揀選相關設定，以後睇電視都唔使再用遙控器。至於「Smart Evolution」係一個具創意的概念，可透過插入晶片提升電視功能，不過CES現場未有進一步資料展示。
同場加映 Super OLED HDTV下半年登場鬥SMART TV外，今年電視界另一焦點係OLED電視，幾間大廠分別展出大尺寸機款，Samsung亦展示了55吋Super OLED HDTV，擺正喺Samsung展覽攤位入口位置，夠晒搶眼！大家玩手機時都應該見識過OLED屏幕有幾靚，由於OLED毋須加背燈，這特性令電視可造到紙咁薄。雖然現場冇提供實際厚度數字，但估計55吋Super OLED HDTV厚度只有4~5mm，希望下半年實物推出時價錢唔好太嚇人。
|
發表於 2012-1-12 06:16 PM
| 