冇病冇痛梗係冇人想入醫院㗎啦，萬一大吉利是唔覺意病魔纏身，咁點算好呢？功夫茶提提大家，入廠大修嘅時候記住不厭其煩要求醫護人員小心謹慎，千祈千祈唔好出錯，事關香港嘅公營醫療系統千瘡百孔，人手流失非常嚴重，七個蓋冚十個樽隨時搞出人命！os.tvboxnow.com' o+ N6 f% K# a2 T
TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。' J! j0 {7 {6 Y0 q$ v5 i5 W z
呢嗱嗱嗱，唔係靠嚇㗎，就以新界東醫院聯網嘅放射診斷部為例吖，今年至少流失四名資深醫生，聯網之內嘅威爾斯親王醫院更加係重災區，最近流失五名放射技師，明年初再有兩人離職。os.tvboxnow.com1 u5 B4 O$ u1 o; M! M: F$ D2 j
所謂放射診斷，咪即係照Ｘ光囉，呢個係相當重要嘅治療步驟，睇下病人邊一部分需要做手術之類。放射診斷就好比醫生擘大對眼，冇咗呢對眼，唔理你係幾咁妙手回春，一樣等於盲摸摸，黑人黑夜捉烏鴉。tvb now,tvbnow,bttvb' x9 v$ F, M& _# U; p$ K. t
好嘞，照Ｘ光人手短缺，為咗避免有緊急需要嘅病人得唔到相關服務，你估醫院會點做吖嗱？冇錯，醫院會將非緊急嘅醫學研究放埋一邊，雖然表面上唔會造成即時損害，之但係對於拯救未來病患者就有好大嘅影響。你今日做唔好醫學研究吖嘛，咁以後咪唔識得以最新最有效嘅方法懸壺濟世囉。大家幻想一下，假如一百年前冇人做醫學研究，睇怕今時今日病人仲係靠山草藥吊命㗎咋。
3 Q% |2 Z6 \( Y, \- gtvb now,tvbnow,bttvb中文大學有一個名為「比較血管栓塞和高能聚焦超聲波對子宮肌瘤的治療效果的臨床研究」，雖然個名水蛇春咁長，一口氣讀完幾乎要斷氣，不過係好有意義嘅，有機會造福不少女性同胞。簡單咁講，呢個醫學研究嘅目的係以微創或者無創嘅方法治療子宮肌瘤患者。研究計劃早於今年八月開始，而且招攬百幾個病人參加，原本講好費用全免，淨係風險自己承擔，可惜就係因為放射科人手短缺，所以改為參加者自費幫襯其他化驗所照Ｘ光，每位盛惠六千銀。
4 j+ P7 I- @' J" a% ETVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。你知啦，病人睇醫生好多時候講個信字，如果醫生信得過，未食藥已經好番七成，一旦醫生信唔過，小病都會變大病。既然呢個醫學研究出爾反爾，一時話免費，一時話自費，病人會有乜嘢反應呢？梗係覺得你冇口齒啦，所以咯喎，其中一個參加者王太好不滿咁決定退出，佢話對於公立醫院失去信心。
+ ^ _5 m/ @! Z0 }. V4 R話時話，公立醫院人手流失都唔係乜嘢新聞咯，莫講話放射診斷部雞飛狗走，其他部門亦係一個二個走夾唔抖，部分更加係恐慌性大逃亡。好似護士咁吖，淨係瑪麗醫院都竟然有二百個職位空缺，白衣天使直頭變咗稀有品種。點解會咁嘅呢？講來講去咪又係食衞局局長周一嶽領導無方囉，喺佢嘅無能而治之下，醫生護士做到天昏地暗日月無光，有開工時冇收工，空有假期冇得放，係人都怕怕啦。前一排之嘛，伊利沙伯醫院有一個實習女醫生通宵當更嘅時候突然昏迷，懷疑係長時間工作過度疲勞出事。事件已經反映醫護人員係幾咁疲於奔命，周一嶽居然仲要冷血咁發表風涼話，佢話醫生工時唔算長喎，激到全人類生蝦咁跳！. q$ |. }# q" {/ w/ x; I2 L
醫學研究冇人手，未來病人冇得救。計功夫茶話齋，解決公營醫療系統人手流失最佳辦法莫過於騰出一個職位空缺，只要政府公布「招聘食衞局局長」，好多問題迎刃而解。 |
發表於 2010-12-27 11:55 AM
| 