祖國下半年嘅汽車銷售數據幾靚仔，炒落後汽車股，炒慶鈴（ 1122）。根據中汽協數據公佈，今年 7月祖國汽車產、銷量，按年增加 15.67%及 14.4%，而 8月嘅乘用車銷售，亦按年增加 59%。祖國汽車市場踏入下半年， keep住旺場，照計，整體汽車股，包括慶鈴在內，本年度業績繼續好醒神。而汽車銷售數據靚仔，加埋呢期市場狂炒內需股，汽車板塊亦已經有 point炒。
慶鈴最新 NAV每股 3.20元，現價 2.13元嘅 PB，仲企喺一倍樓下，而家陣其他中資汽車股 PB全部兩、三倍，汽車股當中，慶鈴 PB最吸引。再講，慶鈴最新揸住淨現金，高達 63億港元，係超級現金牛。呢轉博慶鈴 PB上番一倍，股價可見 3.2元，現價潛在回報率 50%， PB仲未有耐追到同類股。第一上海折讓吸引
第一上海（ 227）對上星期二嗰 14RSI跌到落 20樓下超賣區，跟住幾日反彈，但現價 1.13元仲係挨近 1年低位，殘到痹。又第一上海最新 NAV每股 1.86元，現價折讓 39%，亦係折讓最吸引嘅紅色或者中資證券股。呢轉吼實第一上海，股價一跌到挨近 1.04元，相信到時會有技術超賣甚至背馳情況，博升 20%到 1.25元，第一上海仲未有耐上到 NAV水位。 |
發表於 2010-9-5 08:25 AM
| 