四班馬咋喎！史卓豐當正跑大賽 瘋狂親操13課

02754566

李易達馬房「永常喜」列陣周日（29日）第一場四班1200米草地，配史卓豐上陣，騎者可以話成擔心機操，排位日親跳兩段後，這天連內圈踱步亦不假手於人，一連兩天主課，加上日前親試大閘及拍跳等，原來此駒上仗賽後，史卓豐一共操了13課之多，簡直像摸實一匹頂班馬跑大賽咁，話「永常喜」今仗唔搏都冇人信啦！
睇番「永常喜」上仗成為224倍巨冷，其實冇乜狀態，結果於同程1200米得第四，可以話潛質初現。復課加課備戰，史卓豐當寶咁打理，試大閘有前有後得第三，走起嚟冇咁急躁，貫注力增強，成熟狀態大有進展，今仗更抽埋黃金一檔，絕對唔可以睇小。