一團烈焰心裏燃燒！邊緣練馬師達標 唔使收警告信

02754566

馬會近日表示練馬師若贏不夠15Win，但若有13或14Win，同時馬房總獎達1,750萬元，亦可視為達標。霍利時於呢方面一直做邊緣人，上周三谷戰憑「至叻熊」今季第13次贏馬後，總獎金尚欠七萬蚊，至夠上述金額可以上岸。
卒之皇天不負有心人，霍利時於這天第五場四班1400米，旗下「爪皇烈焰」配郭能沿途居中，後上險勝短馬頭位，單Win及組合獨贏A1，分別派78.5及23.5元。霍利時季內頭馬增至14場，總獎金亦升至17,885,850元。換言之，佢名正言順地達至續牌指標。
回說「爪皇烈焰」，今場孭133頂磅，鬥贏孭輕佢14磅的「育成寶貝」，前駒鞍上人郭能季內首次贏出時廐馬，連帶「爪皇」系陣營亦告打開久違的勝門，「育成寶貝」影相僅敗跑第二。第三名係另一133磅的「八心之煌」。第四名由「善者」拎到，四重彩每注派一萬八千幾。大熱門雷神3.3倍之「明目張膽」表現失色只跑第五。