今季華將成績大躍進，至今合共贏咗200場，比上季華將頭馬總數多45場，升幅接近三成。而且，上季只有何澤堯及梁家俊贏超過20場，今季就有五位華將20W或以上。
其中，楊明綸、梁家俊及今季出道的蔣嘉琦，更贏超過30場。出賽表現得好，自然會獲得更多練馬師或馬主，提供有實力的座騎。在這良性循環之下，難怪他們能夠與一眾外籍大師傅分庭抗禮。
事實上，呢幾位華將今季表現的確夠爭氣，尤其是季內已贏32場的梁家俊，27歲正值騎師的事業黃金期，體能當弗，策騎經驗亦漸豐富。早前策「福爾摩斯」贏2000米，末段與莫雷拉及潘頓兩大師傅大鬥法，騎功不落下風，表現毫不虛怯，具大將之風。
煞科戰第三場四班1800米，「捷捷勝」大前仗跑谷草1650米開齋，在梁家俊胯下後上贏馬，末段在馬群中左穿右插搵位上，終點前險勝對手，贏得精彩。
「捷捷勝」與「福到威威」及「多多心得」同父，跑長途表現應該更加好，上場增程跑田草2000米，當日「步步德」以超慢步速領放，後上馬在直路要反先唔容易，「可愛寶」能夠後上輸頸位跑第二，表現相當勁，結果再出亦幾乎贏。
而「捷捷勝」沿內欄後上跑第四，只輸四分三馬位，末段造22秒4快時間，表現亦大有進步，五歲愛爾蘭自購馬進度軌入正軌，在四班跑中長途有超卓感，重配梁家俊值得憧憬。 |
發表於 2016-7-8 02:30 AM
| 
