[玄學] 想學紫微斗數,有乜好介紹?

avator

各位Ching,
想學紫微斗數,有乜好介紹?

honglingss

先學八字吧 把五行相生相剋弄懂再說

木人仔

書太多了,唔好學的,可以睇下陸"賓紹"(- -用電腦太耐執筆忙字了),王亭之,馬君程,特別係王亭之,呢個紫微斗數入面名氣唔差,術數呢D野係有緣人先睇我明,無緣果D你點下苦功都唔會有D咩特別既收獲

takhong1983

小弟認為想學紫微可以睇王亭之的書，紫微楊的亦佳。
亭老的書寫得淺白，但要順序讀。先學訣排星，再學星系組合。
不認同先學八字再學紫微的做法。因八字貴乎觸機(小弟都係學八字)，六神.....
紫微講究星系配合。兩套系統，好易混亂。先玩熟一套再玩第二套。(你想學好一套，若有慧根又跟啱師父的話，三年小成，五至十年應可大成。)

傲笑傻人

小弟愚見~首先要唔怕買二手書 ^V^
學斗數買吓買吓就唔覺買好多書、駛好多錢T^T
而且二千年前香港有好多猛人寫書~~
『正翁』嘅『術數縱橫』(小弟有幸買到二手一睹大師風采)；
『文其名』嘅『紫微新探』(小弟買咗到二手先發覺網上有得Down)
『戴添祥』嘅『斗換星移說命運』(秘技多~小弟二手都買唔到T^T、去圖書館借啦~)
『慧心齋主』嘅『紫微斗數趨吉避凶法』(博益已絕版~我手上嘅也第七版。)
『王亭之』嘅『王亭之談斗數』(星際已絕版~買唔到未必壞事!!!因為可以網上Down)
『王亭之』嘅『王亭之談斗數與玄空』(勤+緣已絕版~可以網上Down)
@@@@@@@@@@@@@@@@@@@@@@@@@@@@@@@@@@@@@@@@@@@@@
上面都係理論書、實踐由平書講起：
『標準中西對照萬年曆』(玄學出版社、$88~年份九星都有註明。)必備!!!
『慧心齋主』嘅『紫微斗數新詮』(時報出版；約$60超值~已可以進行推算~)
『陸斌兆』嘅『紫微斗數講義』(一&二、時報出版；兩本約$110)超值~~
『朱鵲橋』嘅『紫斗命盤逐個講』(略說一百四十四個命盤，逐盤論其形貌個性，絕世貓書^V^)$100
『華山居士』嘅『紫微斗數新詮』(提倡以排八字的方法來排大運~)$100
『陳雪濤』嘅『紫微啟示錄』(值得睇嘅理論書網上有得DOWN~)$100
『陳雪濤』嘅『紫微明鏡(外篇)』(值得睇嘅理論書網上有得DOWN~)$100
中價書有：
『王亭之』嘅『王亭之紫微斗數(套裝)』$512/四本、必備!!!
『黃博全』嘅『斗數講座』(以小弟認知極少數講及關於『五行納音』用於斗數上)$133
『陳雪濤』嘅『夫妻宮秘傳真訣』(只用十四批婚姻已經好準~)$150
貴價書、小弟唔讚成買!!!多數是台灣出品~~又長又悶T^T
至於『紫微斗數安星掌訣』跟師博學比較好、最平工聯會~

傲笑傻人

『紫微楊』好難儲一套、又要待再版(明報應該唔似勤+緣咁玩絕版)!!!好彩可以去圖書館借!!!
至於『王亭之』佢嘅書寫得好好、不過『王亭之』好主觀!!!
學佛又話『寧瑪派』對佛理解說最合適~
喂~佛教有十三宗派、密宗只是其中一支咋~密宗再分『東密』&『藏密』~藏密再分：紅黃花白黑~
單憑一個密宗支派嘅理論去闡釋『如來藏』第八識(即：阿賴耶識)是合適？
佢話合適就合適囉~
學『紫微斗數』又話『中洲派』最正宗!!!
在這裡有大家不妨想想：『中洲派』咁勁、點解歷史無記載？
又點解『中洲派』咁犀利、何以只註解古籍？
既然要把中洲派公諸於世、發揚光大!!!何以八十歲高齡(要賺錢都賺夠啦!!!)仍然整理、註解、再版『舊作』而唔去直接出版佢所講嘅『中洲派祕傳手抄卷，紫微星訣』？
當從這個方向想自然會明白~~~
說漏咀~~還有幾個：『了無居士』寫完『斗數疑難100問古典篇&現代篇』就走火入魔!!!往後的都是廢話~~
『潘子漁』千忻唔好買!!!佢寫吓寫吓就把八字與斗數D星炒成一碟~~~唔信去圖書館借本來看~~
『黃卯』、『天翼』唉~不看也罷~~~

normaluser678

傲笑傻人師兄，聽君一席話，勝讀十年書，多謝分享心得。

yosan

謝謝傲笑師兄介紹這麼多好書, 有時間必去圖書館找來一看

pizza3

傲笑傻人師兄，聽君一席話，勝讀十年書，多謝.多謝。