話說有一日我同幾個朋友約左一個我朋友既契妹出黎，呢個小妹妹真係三步都不出歸門架，平時只係返學放學，佢住沙田但所謂出街玩都只得幾個地方.........旺角(西菜街、朗豪坊、潮流、旺中、信和等等出名既旺角地方)再唔係就會去到銅鑼灣Sogo或者時代同世貿，咁果次我地去到朗豪坊大門口，我提議不如去奧海城啦，旺角太多人啦，去奧海城冇咁多人但一樣有好多野行好多野食，跟住個個都話好，但個小妹妹話唔好，我地問佢點解，佢話唔想囉，再問佢做咩唔想，係咪佢本身想去旺角邊度邊度，佢呢個時候既答案真係嚇死我地.....................佢話我冇邊度邊度想去，只係唔想去奧海城咁遠姐，又要轉地鐵由旺角搭到去荔景轉東涌線去奧運先可以去到奧海城，又要浪費咁多時間同無啦啦又要唔見車錢，等車搭車轉車前後都唔見左起碼大半個鐘頭啦...........................我地成班當場係朗豪坊門口笑到眼淚都標埋出黎，跟住我地同個小妹妹保證......十分鐘左右就會到奧海城，跟住個小妹妹話................下!!咁快，我唔搭的士架，冇咁多錢呀，一陣仲要食飯呀!!我地O晒咀，足足笑左幾分鐘先識停低慢慢同佢解釋...........................
只係分享我個人覺得好笑既經歷，希望你地都會覺得好笑啦 |
發表於 2008-7-28 08:36 AM
| 
not funny at all...but thanks..
