第6屆FACE UStar大專校花校草大選 現正接受報名
年代橫掃賽車壇嘅BMW神跑3.0 CSL不嬲都德高望重，可惜停產十幾年後再翻出嘅6系跑車就完全承接唔到佢嘅威勢，所以BMW一向都想再次搞起佢！今年5月先出完部3.0 CSL Hommage概念車，今個月美國Pebble Beach Concours d'Elegance車展又再整多部3.0 CSL Hommage R賽車版concept。話就話出嚟慶祝BMW北美分部成立40週年，但概念車都show得咁密，係人都知你想出量產版啦！
呢部3.0 CSL Hommage R外形同之前部3.0 CSL Hommage接近一樣，都係將3.0 CSL科幻大隻化。不過因為係賽車版，所以拉晒花同換咗軨，而且底盤同防滾架都係碳纖造，副3.0直六twin turbo偈仲有個e-boost電摩打額外畀力。全部都係近年BMW新車用過嘅技術，真係投產都有可能。更認真係今次BMW跟車仲show咗套同Puma合作造嘅賽車衫褲鞋，個頭盔嘅風鏡位仲可以顯示埋部車嘅速度、轉數同波段！
車尾有上下兩隻大尾翼，就算個車頭唔太似元祖，但都會即時令人聯想到3.0 CSL。
成個中控台都係mon.，軚盤仲設計到飛機咁款。
桶seat車晒花勁豪華，安全帶仲玩埋BMW賽車花。
戴同Puma合作嘅full gear裝備，跟車show埋晒出嚟。
戴咗個頭盔之後，風鏡會有喪多行車資料顯示。
|
發表於 2015-9-1 07:33 AM
| 