peonyali

very good

jjj9930

请注意！

用心和認真參與帖子回覆的會員將會不定時收到加分鼓勵。
严禁回复“多謝分享”﹐“thxxxx” 等等將被視為冇意義的回覆並當作灌水處理 。所有冇意義的回覆將在不給予通知/警告下進行删除或扣分或兩者兼施。

by jjj9930

andgygbuk

牛年術數神棍龍虎榜！
[按此打開] [隱藏]
轉貼

己丑牛年神棍當道，報導齊來温故知新，牛年神棍龍虎榜揭盎！



第一位！

風水大情人陳振聰
〝衆望所歸, 冇得留低〞。全港乃至全球矚目，纏訟近3年已故華懋集團主席龔如心千億遺產爭奪案風水師陳振聰。社會譽論壓力，奸夫得值個官分分鐘連烏莎都不保，其實邊有勝算。新聞仲話警方會跟進風水遺囑真假。陪了夫人又折兵，牛年大老襯大情人認第一邊個敢認第二。冠軍當然非君莫屬！


第二位！

種生基神棍
大情人陳振聰為小甜甜種生基續命，令廣大市民認識此奇門異術。幾位生基大帥紛紛供出謝霆鋒等藝人種生基名單，就連賭王都來湊熱鬧，鋒頭一時無倆。生果日報仲大字標題平民版種生基儀式中要捱6刀。成效如何有待時間證明，但師傅一日坐收80萬就是事實。


第三位！

矛山性愛法事大帥

今年居然有兩宗同類判刑事件，矛山大帥性愛法事改運誘騙妙齡少女性交。仲辯稱帥公上身唔知自己有生理反應。妙在香港新一代教育水平原來如此不濟，居然有人相信性愛法事改運。以前朋友打趣說有些無知少女以為kiss吓就會懷孕，我仲鬧邊有人白癡到信以為真，現在諗落朋友可能童叟無欺！


第四位！

風水公會杜景褔
杜景褔乃〝易學諮詢師公會〞搞手，想借成立風水公會一统江湖，實行做術數界一哥，仲拉攏中聯辦落水，又揾唔識術數徐小明做會長。有份被邀請入會起初個個趨之若鶩，餅仔分唔暈，之後被東週刊拆穿西洋鏡，就義正詞嚴走夾唔望轉頭。世紀創舉風水公會虎頭蛇尾，一場鬧劇無疾而終！


第五位！

3T大贏家李丞責

堪輿師李丞責是帶頭退出風水公會之一員，牛年有兩渡。李丞責為藝人催吉避凶，但能醫不自醫，遭胞弟斥凉薄用術數贏3T後獨吞彩金，幾乎釀家變。清官難審家庭事，是非曲直外人難以分清，真相就只有他們兩兄弟才知道。始終兄弟情誼血濃於水，希望兩人早日冰息前嫌！



第六位！

黃卯算錯紫微斗數
黃卯乃〝易學諮詢師〞之一，今年入圍因為算錯左個非法份子客户而令醜事傳千里，成為香港開埠以來首宗被證實算錯命事件。算錯左就招供客人從事非法活動！用術數拹助非法份子時有聽聞，傳聞跛豪就請過風水帥設局保三代消謠法外，封〝利是〞肯定唔少。黃卯可能罪海慈航，出於汚泥而不染，冇收授利益都唔定。



第七位！

李xx年年新款
李xx今年冇乜新聞，不過連大陸阿叔都知李Sir最響風水擺設年年新款，古靈精怪層出不窮，仲有犀牛擺設〝大叠金牛〞，只要跟住擺到成間屋都係就一定風生水起。今年又推出十幾款，即是李Sir掛住口邊〝廿年八運〞就要幫襯兩百幾款，你間屋有冇夠大先？所以李Sir年年都應該入圍。

sk2667

多謝你分享得咁詳細！真系好有用!!!
最後一段太厲害了!!!!真是道出了精要!!!!佩服!!!!

鮮奶球

陳振聰個頭同佢個身有少少唔係甘配合,
佢個頭有番甘大但佢個身又唔係甘肥大,
如果係報紙睇,佢個頭就好似key落個身度甘,
总係覺得頭大ge人好似野心都大d,李加承個頭又係好大,
應該甘講,佢地兩个頭都係特大...
我諗呢,呢類頭特大ge人如果向好果方面就會大有可為...就好似李加承甘
如果唔係向好果方面就会係好壞果種.....就好似陳振聰甘
再加上陳掁聰ge五官又係大....
但係佢個頭一配合到佢成個人泥睇就会感覺到有少少唔係甘match..
其宊咩都係講equal...平衡...
如果唔平衡ge配合到成個人ge話,可能唔係甘好....