prodigydou

教育制度同教育嘅內容唔同，導致中港咁近文化差異極大（中共中央已經逐漸改變呢種情況，最終目的統一思想）。中共著重洗腦、篡改教科書，令中國每一代都成為佢嘅奴隸。上課時間長，但大部分都係冇任何意義嘅理論課。主要目的係壓縮學生嘅課余時間，等佢哋只可以學到教科書上嘅嘢。令佢哋覺得教科書講嘅嘢就係至理名言，同教科書相違背嘅嘢就係錯嘅，從而達到洗腦嘅效果。英語方面，國內淨係注重書面而屋注重會話，以前所有英文科考試從來都唔使考口試，學士學位畢業都唔使。語言方面，實行推普廢方（實質係推普廢粵）。喺學校講地方方言會被認為係不文明不道德。國內大部分地區從入讀幼稚園開始就要學國語，但從來冇鼓勵過母語教學，連系統嘅母語學習（唔記得藏語有冇，有都係得佢，粵語更加唔使諗）都從來未有過。背後意義可想而知係你唔可以講一啲我唔識聽嘅語言，十足十國民黨剛到台灣嗰時一樣，國民黨嗰時規定唔畀講台語（閩南語）、客家話同原住民語（唔記得有冇，前面嗰兩個肯定有）。國內咁嘅教育制度，同坐監又有乜分別呢？