[問題] 移民英國悲歌│港男驚揭妻子連環出軌 對象震碎三觀 妻堅決離婚!

manyiu

撰文：布萊恩出版：2026-07-24


移民英國生活未必人人如意，移民前要考慮清楚。（資料圖片）

【移民英國／生活／後悔／移民須知】移民英國生活未必人人如意。有移民英國3年的香港人夫於Threads訴苦，指移民英國後其妻子「連環出軌」，且對象令他「震碎三觀」相當衝擊。不過人夫仍選擇原諒，希望挽回婚姻，保住他珍惜與重視的家庭、小朋友和妻子，然而殘酷的是，妻子反而打算放棄婚姻，令他大受打擊。

帖文引來網民熱議，分析妻子出軌「殘酷原因」，勸樓主「放手」，「寂寞難耐……預咗會有咁情況……」、「何止震碎三觀……直頭係怒髮衝冠！」、「留得住個人，都留唔住個心，勉強無幸福」

「我自己都未係好接受，我同太太點解會出現呢個情況。」該移民英國3年港男於Threads發文講述移英悲慘經歷。他表示，與妻子在一起多年有小朋友，到英國前2人生活開心「都幾夾」，「關於屋企嘅事我哋可以分工合作基本上都冇拗撬（爭吵），因為我係會主動做家務同照顧小朋友嘅爸爸，好少因為話家庭嘅分工而嗌交，我哋放假又會一齊出街，飲飲食食傾偈幾開心幾舒服，通常嗌交嘅問題都係一啲我嘅執着，通常第二日都會冇事」。

移民英國生活大變　港男揭妻子連環出軌：好衝擊三觀
然而這種相處融洽的關係，去到英國開始有變化。樓主指出，移民英國後，他主力上班，妻子負責照顧家庭及小朋友，「我返工時間長一個星期都放兩日假，但係我放假都仍然會同太太出去拍拖，拍完拖就湊小朋友放學」。


樓主發文講述移英悲慘經歷。（資料圖片）

可是1次意外，他發現妻子「出軌」與別人「曖昧」，且對象「震碎三觀」，「呢個發現令到我好意外，因為我真不敢相信我太太會做出呢個選擇……而呢個曖昧嘅人及關係，亦都好衝擊我對太太一向嘅理解及三觀，因為個對象係我唔認為可以做到一個嘅曖昧對象」。

港男想挽回家庭選擇原諒　妻子堅決離婚
面對妻子不忠，樓主選擇原諒，「我哋經過一段好痛心，傷心嘅對話及時間」，正當樓主以為事情已經過去，沒想到卻連環發現妻子「出軌」，「我哋以為move on咗，點不知又再俾我知道，跟住呢1次又再重複1段好唔開心嘅時間，但係又再以為會move on，直到最近又再一次俾我發現一啲更進一步嘅事情……」。


樓主發現妻子「出軌」，選擇原諒，詎料妻子想放棄，令他大受打擊。（AI生成圖片）

不過樓主為了挽留婚姻，保住珍視的家庭、小朋友及妻子，再次選擇原諒，「我認為我哋生命裏邊仲有一啲有價值事情係值得，所以我想再努力多1次」，但殘酷的是，這次反而是其妻子想放棄，令他大受打擊。

網民分析妻出軌「殘酷原因」　勸港男「放手」：勉強無幸福
不少網民分析妻子出軌「殘酷原因」，勸喻樓主「放手」不要執着，「寂寞難耐……預咗會有咁情況……」、「女人玩嘢咗個心好難返到轉頭忠於返1個伴侶」、「綠帽唔怕戴，最緊要除得快」、「留得住個人，都留唔住個心，勉強無幸福」、「壞咗嘅女人，算了吧」。然而也有網民質疑事件真偽。


移民生活未必人人如意。（資料圖片）