[香港] 香港網紅深圳開烤肉店半年蝕70萬執笠收場自嘆「千年道行一朝喪」

本帖最後由 manyiu 於 2025-6-11 03:00 PM 編輯 tvb now,tvbnow,bttvb" j0 Q% y, v! ] m7 Z! t4 |. K
. Q, o) ?) |: y- O4 f( P
2025年6月10日週二

北上消費蔚然成風，莫講話港人寧願去深圳度周末飲飲食食，就連做生意都想進軍內地。擁有11萬追蹤者嘅香港youtuber大衛，去年喺深圳羅湖頂手經營烤肉店，招牌菜有北上潮食嘅烤鰻魚、和牛等。本來以大衛嘅名氣，宣傳有晒優勢，開業初期亦都真係有fans專程支持。不過早前大衛拍片表示因為蝕得太多，要將烤肉店無條件轉手俾朋友。

香港youtuber大衛去年喺深圳羅湖頂手經營烤肉店，結果半年輸70萬元

未做過飲食業嘅大衛指，零經驗創業有好多困難，於是將好多營運工作如食材品質管理都交俾廚師打理，即使一早預咗創業開初會蝕，但仍然諗住捱落去會見到曙光，卻始終見唔到盡頭。大衛早喺今年3月已經拍片自爆鋪頭每個月蝕5萬蚊，希望fans支持，結果都係冇起色，於是選擇離場。大衛喺片段標題寫道「唉，蝕咗70萬，千年道行一朝喪！生意失敗，血本無歸，前路迷茫！」，相信真係好感觸。公仔箱論壇" _. D: E% |. ] |9 ~

大衛直言「無奈」
公仔箱論壇/ g: \7 s3 L6 J; p
大衛分析，內地餐飲業競爭巨大，受經濟影響市民減少外出消費，但食材價錢持續向上，生意額升幅有限，令佢經濟上好大壓力，只好「跳牆」壯土斷臂。唔少網民留言分析大衛間烤肉店嘅「死因」，有人指「之前班員工打理到間舖頭蝕錢，你頂咗返嚟仲唔睇實佢哋？」、「唔係飲食業出身, 又唔係親力親為, 好難做」、「以你既智力蝕70個已經算贏左」。