[新聞] 車Cam直擊｜野豬闖屯門公路　私家車急扭軚閃避　網民讚反應快

有網民今日於facebook群組「屯門公路塞車關注組」出帖分享三段車Cam影片，呼籲駕駛人士「要小心有野豬橫過馬路。片中可見，一輛私家車沿屯門公路快線往屯門方向而行，其間一頭野豬橫越往荃灣方向的行車線後，跳上路中石壆，再闖進私家車前方。私家車司機見狀急扭軚，成功避過野豬。其他角度的影片則見，野豬僥倖避過一劫後，再安全躲過其他車，橫越三線並躲進路邊草叢，不知所終。

有網民稱讚司機的反應快，對方回覆稱：「隻野豬反應仲快，咁都可以安全過晒成條馬路」。亦有網民指，事發路段設有快相機，估計當時的車輛車速不快，因而成功閃避野豬。亦有人因屯門公路常發生交通意外，故戲謔指：「多咗個機會比啲屯公車手洗脫罪名：避野豬」。有人則認為該區近年大興土木，或導致野豬失去居所而四處亂闖，更有野豬命喪輪下，「掃管芴（笏）起好多樓，野豬棲息地無晒焗走晒出去」、「早兩日哈羅對出撞死左（咗）一隻」。