[時事討論] 平機會蟬聯榜尾廢衙門香港之恥

消除歧視，實現平等，講就好聽喇，可惜理想同現實完全係兩回事。咪睇香港有個平等機會委員會，打住「建設沒有歧視、人人得享平等機會多元共融社會」嘅旗號，查實都係得把口講嘅咋，平機會連續十八年被國際機構評為C級，簡直係香港之恥。
: n) \% i9 _# V! X! K* g% |呢，國際人權機構「全球聯盟」為地球村一百二十個人權機構評級，其中十個係C級，屬於最差勁一類，香港平機會唔單止榜上有名，仲連續十八年「蟬聯榜尾」，簡直醜出國際。之不過咁，港產官僚最叻就係面皮厚過城牆，平機會主席陳章明例牌怨天尤人，唔係呻資源有限，就係話法例不足，現時反歧視條例只有四條，包括性別、種族、殘疾同家庭崗位嘅歧視，未完全涵蓋人權範圍喎，講到好似法例唔完善搞到平機會綁手綁腳咁。咁即係點？咁咪就係千錯萬錯都係人哋嘅錯，咪就係巧言令色鮮矣仁囉。: r+ ^+ m# y2 f3 I- e" u
好心陳主席搵盆水照吓鏡，咪再呃神騙鬼嘞，平機會廢到無倫，其實唔關資源或法例事，而係成個機構行政混亂，選擇性執法。呢嗱，眼前就有現成例子嘞，話說林鄭訪問完新加坡歸來，即刻話要成立公務員學院，只可惜人哋強政勵治學唔到，偏偏內地城管暴力迫遷就學到十足十，竟然強搶觀塘特殊教育職訓中心塊靚地，公然歧視弱能殘疾人士，如果平機會夠膽將港府告將官去，功夫茶敢寫包單，平機會可望一舉改善形象，陳主席亦有望冧莊，但事實係平機會裝聾扮啞，《殘疾歧視條例》根本形同虛設。公仔箱論壇8 P& E6 w& Q' |4 H
平機會欺善怕惡不特止，成個機構本身更加係烏煙瘴氣，試過有平機會前僱員將平機會告上法庭，指控其無理解僱兼索償，堂堂反歧視機構竟然牽涉歧視，年年國際排名包尾大幡就係咁解。仲有吖，陳主席本人亦被指黑箱作業，任人唯親，舊年婦女節更加失言，話他日歸老會搵個女照顧，因為個仔要返工搵食咁話，結果被婦女團體狂轟言論歧視婦女，你話嘞，主席帶頭性別歧視，平機會係咪得啖笑先？公仔箱論壇2 O3 i R6 I$ _, {% B2 T4 B! I
平機會嘅醜聞一籮籮，簡直三日三夜都數唔完。講到尾，平機會唔單止係花瓶機構，仲係退休高官俱樂部，用嚟畀退休高官翻閹，一般人邊有機會入到去呀，呢啲本身就係歧視。os.tvboxnow.com. p g' q. s3 \4 I3 r- N
平機會幫唔到市民，一味添煩添亂，如果真係好似佢哋所講增加資源、擴大執法範圍，咁咪亂上加亂，醜上加醜？呢啲咁嘅廢衙門不如趁早執咗佢，慳番啲資源用嚟扶貧仲實際。

1 評分次數