yjennytws

原帖由 qilimazhaluo 於 2009-1-26 02:50 AM 發表
这种技术活。。。。哎。。。。

不是你所想那樣, 這是佷好玩的一門玩藝兒, 當初(8年前)就是一個女友教我這基礎4方型4粒小珠互串開始,半粒鐘砌成一個十字架(第一個作品)用8個這樣的4方型，放4粒珠一拉又4粒珠一拉, 好快咁拉8吓(一式樣)就整咗個好靚嘅小飾物啦, 即晚又用３２粒奧地利水晶珠整咗個晶瑩剔透的十字架給男友(唉! 現在我地已經係2女之父母了), 佢當時好開心，問我難唔難整? 我就將做法簡要說一次；嘩! 不得了! 佢好聰明! 背住我偷偷的拿我的穿珠盒, 已穿好一個十字架在哪了, 都好靚只係鬆軟咗D(因無學過, 佢唔知每下都要拉實D, 咁出來效果先靚) 就這樣, 我們迷上了這玩藝兒! 總是磨着女友教新的小飾物-士多啤梨, 蘋果仔, 狗仔, 雞仔, 啤啤熊，HELLO KITTY等等，另外身邊Ｄ朋友也被我感染都迷上了它，６個人交流著弄這弄那，有人喜歡穿項鍊，手鍊，有人喜歡銀包仔，手提袋（最難又耐），我就喜歡小飾物擺設，我地每次出嚟見面總帶住自己最新的作品，大家都互相讚賞一番，不知道幾有成功感！真係好懷念那些日子，現在大家都有家庭孩子之累，見面已少，就算碰面只會談子女經（這也是一門大學問）！　 我發此帖，只想告訴大家：串珠是很好很有創意的玩意！並不是以前粵語片年代，家貧婦女穿膠花穿珠仔兼取微薄生活，那麼沉悶黑板式作業可比！ 作為現代人這是有豐富想像力和無窮趣味的玩意兒，一經接觸一定會著迷，我誠意介紹給大家！（想學的朋友們，隨便去一間公共圖書館，都可以借到很多這類書，照圖學造由淺入深，一點也不難，只要完成了第一件作品，包你樂此不彼！）　　　　　

beloved_orchid

thankyou

cwan1

thanks for sharing

viviam

thx for sharing