[食肆地點] 四蛋咖喱汁泰清甜Food Court限量炒蟹

行 Mall搵地方醫肚，唔係攞飛輪三十張枱，就係逼餐懵硬連鎖快餐食肆。使乜難為自己， Food Court一樣有驚喜，限量咖喱炒蟹清甜為主辣香為副，唔會食到你滿頭大汗。泰菜，唔係下下又濃又辣嘅。

比起 apm、又一城或 K11等大型購物商場，將軍澳中心無錯感覺係街坊咗少少，但其 Food Court卻卧虎藏龍，連高班泰國菜都有得食。「 Lime Soul」畀我嘅第一印象，係由舖面到菜式都精緻過同場食店多多聲，靠牆一個大木架，放咗十幾尊佛像同大象作裝飾，泰國風味滿瀉。我眼利，發覺其中一尊佛像似哪吒多過似佛，以前從未見過，老闆話：「呢尊叫『胡曼童』，仲有分男女造型 o架。」最搞笑原來係風水嘢，有吸客作用咁話喎，咁即係泰式招財貓啦，大家有機會不妨留意一下。
9 @( v5 ~# L& i. \

■「泰式招財貓」，男叫古曼童（圖），女叫古曼麗。% }) t: r& w3 p0 v) b

■ Food Court主打街坊客，但裝修一啲都唔曳，坐得舒適。
tvb now,tvbnow,bttvb0 \1 S5 f# ]+ n- A& W" u' u; V
食靚蟹七點入場
菜式賣相精緻值得一讚，一般 Food Court舖頭仔，標準一個收銀加兩個廚房開得檔，「 Lime Soul」居然有六個師傅匿喺廚房猛砌，計埋落 Order姐姐，足足有八個人負責一間舖。咁大陣仗，全因老闆好重視菜式賣相，好味道就梗 o架嘞，好味之餘仲要砌到靚一靚先捧出嚟畀你食，當你見到菠蘿炒飯、蛋包金邊粉靚到有啲似法國菜，真係有啲唔捨得撩爛佢 o架。泰國天氣炎熱，當地人為求開胃，菜式一味又濃又辣，造成怕辣者唔多敢試泰菜。「 Lime Soul」由真正泰國人主理，大廚 Sridang Samore話：「泰菜唔會獨沽一味玩辣，都有特色菜 Sell清甜口味。」講緊嘅係招牌菜咖喱炒蟹，講真，未試食之前我驚勁辣，膽粗粗用手指沾少少蟹殼面上嘅咖喱汁，估唔到入口咁香滑！ Sridang：「芡汁加咗四隻蛋，所以香得嚟咁杰身。」放膽再咬半隻手掌咁大嘅蟹箝，斤半重肉蟹啖啖肉，配料香味跟蟹肉本身嘅清甜，平衡得恰到好處，除歸功於肉蟹即劏即拉油保留鮮味外，更唔似一般食肆咁喪落椰汁同辣椒，總體來說清甜係主，辣味為副。肉蟹成本價超過一百大元，所以每晚只做十個 Order，想食？七點前準時到場啦唔該。( Q8 R) i, b# Z4 D" p x) J
os.tvboxnow.com9 c; U: D- J8 c( f: p* Y! Z$ U/ S% G# @

■大廚 Sridang Samore：「最緊要賣相夠靚。」

4 N4 Y1 ~' H5 A( K
■六個廚師有五個係泰國人，存貨、是日精選等全部用泰文手寫。

os.tvboxnow.com+ t) x$ T2 f5 Z, S- F. l
■小廚房塞滿六位師傅，人氣、火氣同樣旺盛。

! t. d- R* u& @, X- C; d; P+ z
■咖喱炒蟹約斤半重$148

■咖喱炒蟹難得保留到清甜肉蟹味，啖啖肉最正爆。可另加$20選配香口火山包，點咖喱汁一流。( w3 C) `( ?3 D, V: c. |$ m

蛋網拉花好心機另一驚喜係檸檬蒸原條烏頭，斤幾重新鮮烏頭用青檸片同香茅吊味，擺喺火爐上熱烘，再淋每日用十隻鮮雞熬製嘅清雞湯，烏頭鮮滑肉質同青檸淡淡酸味夾到痹，比潮式打冷凍食烏頭更開胃。香港人無飯落肚唔自在，推薦原個菠蘿海鮮炒飯，青口、鮮蝦球毫不吝嗇鋪滿飯面，炒飯散發濃濃菠蘿香，「飯粒要盡量炒得乾身先放入菠蘿殼，咁先可以吸收殼肉精華，逼出開胃菠蘿炒飯香味。」一蟹一魚一炒飯，一家四口加碟菜應該啱啱好，約三百蚊食到正宗開胃泰國菜，呢個仲唔係餐廳級數 Food Court價？泰菜始終以濃味為主打，若你同我一樣，味蕾被寵壞到食乜都要夠香濃，呢度一樣有大把sorry手菜式滿足你。豬牛雞串燒肯定係必食之一，肉質鬆軟得嚟有咬口，搽蜜糖燒一燒鎖住肉汁，又濃又杰嘅沙嗲汁簡直畫龍點睛，比我喺馬來西亞食過嘅更有風味，只略嫌一客六串唔夠喉，起碼要 Encore一次先頂到癮。泰式炒金邊粉同樣抵讚，加入香料「隔差」，即人參薑，香味有別食慣食熟嘅味道，鋪面嘅網狀蛋花係心機貨，師傅須要另外開鑊處理，耐心地將蛋汁一劃一劃咁拉出嚟，上面再放多三隻特大鮮蝦球，未食已經滿足到視覺享受。莫講話 Food Court食唔到，就連正式泰國食店，都未必有咁好心機拉蛋花，呢點亦係小小一間「 Lime Soul」，要動用到六個師傅嘅原因之一。