[食肆地點] 激辣咖喱味九反打老邊

打老邊最重要係湯底，湯底夠濃仲使鬼辣椒豉油，樣樣火鍋料都點過豉油先夠味，不如你用豉油打老邊啦。喺九龍城，我發現到泰式咖喱同冬蔭功火鍋，舖名叫「城寨風味」，同原地名一樣，係開餐九反之地。反乜？辣到反眼個反呀。

紅咖喱宜夾海鮮
點解咖喱同冬蔭功會變係城寨風味？董事兼總廚昌哥話：「粵菜都無正宗啦，香港正宗粵菜只剩番圍頭菜同盆菜，因為粵菜一早融入京川滬等不同風格。九龍城特多泰國食店，我加番個泰式咖喱同冬蔭功火鍋，都好正常啫。」打開菜單，有十幾款非一般湯底，甚麼星洲肉骨茶、紅酒牛尾湯、順德瑤柱粥鍋，簡直睇《食神》一樣──估佢唔到！想食辣，得，一樣有泰式咖喱鍋、酸辣冬蔭功湯鍋同四川麻辣湯鍋俾你揀，「由於用嚟打邊爐，所以味道會比大家食開嘅咖喱同冬蔭功濃一倍，火鍋配料唔使點豉油，淥一淥就夠味 o架嘞。」老實，泰式咖喱鍋我真係第一次食，如果你問辣度，我畀七至八分，算中上，因為用嘅係紅咖喱，辣中帶甜，鍋底有大量洋葱、茄子等配料，臨上枱再灑濃濃椰醬，甜住嚟辣，真係幾另類。問昌哥有乜配料最夾：「泰式咖喱最夾海鮮，你食過咖喱蟹未？道理一樣。」戲肉，同樣喺收水三分一後出現，辣度會直線飆升，加上越煲越濃，淥乜都會厚厚包住一層湯汁，辣度更激增，「加水方式有兩種，你可以要加清湯或熱水，其實湯底收水兼之前灼過肉類等配料，味道只會越來越濃，加熱水先係正路。如果嫌淡味，或者有人鍾意飲埋湯底，先要加清湯。」天口毒辣，想開胃啲，可以揀酸辣冬蔭功湯鍋同四川麻辣湯鍋，前者有青檸之酸，後者有痹住嚟辣嘅口感，兩者都可以大大提高食慾，不過相對地，呢兩個鍋辣油成份會比較高，所以一開始就已經勁辣，初試辣者要小心。
+ R; n) g. z- K2 R4 T

■愛死呢個窗口位，有古風木欄杆，勁有風味。9 E- V- W: a4 Y

■加湯用到大銅水壺，真係好有氣勢。
os.tvboxnow.com) T1 ^- m$ t% L ?
全手撻起朵靚丸
火鍋配料價錢偏平，一般蔬菜類每碟$18，較上等嘅本地基圍蝦、珊瑚蚌、桂花蚌每碟$48，算幾抵食，講到全店最出色一定係手打丸類，昌哥話：「一般街外手打丸類用水打，我哋用冰撻，須知手掌點都有熱力，越撻得耐，熱力會令丸身變得鬆散，相反加冰降溫後，丸身會增加彈性，之後放入雪櫃抽乾丸內水份，喫落先特別彈牙好味。」必試新推出嘅紅咖喱羊肉丸，羊味突出，紅咖喱可去除羊羶味，再加魚露作調味，入口鮮美；鵝肝墨魚丸亦係新創作，用鵝肝作包心，受熱滲透丸身份外豐腴。四寶丸之一嘅鮮鯪魚球，好少舖頭做到如此鬆化。泰式大牛丸雖然由泰國入貨，但其彈牙口感可以大膽講句，用嚟打乒乓波都仲得。本地肥牛可以話係眾人至愛，上枱有半碟屬頸脊位，特別好肉味，須知好多火鍋店，點叫頸脊位要另外收費 o架！如果鍾意海鮮，呢度每日生劏十幾斤大斑，$200食新鮮頭腩，又係抵啫。