賭馬講呢啲】睇中一匹雷神唔再棄騎的馬 (妙瞳)

環顧莫雷拉今期十匹座騎，第二場「帝國之星」前仗配雷神跑田草1600米，到拉士200米才完全撻着，結果姍姍來遲奪季，頭馬「駕喜」翌仗在四班同程彈甩贏馬，「帝國之星」此席季軍甚有睇頭。
奈何莫雷拉只得一個，上仗「帝國之星」轉戰田草2200米，騎者選騎長途有根據的「勁豐裕」無可厚非，結果「勁豐裕」亦勝出，而「帝國之星」該役入彎時明顯脫口，末段可重新上前，只落後「勁豐裕」一條馬頸奪季，故今次雷神着意重奪「帝國之星」帥印合情合理，埋門更親自主持最後試跑，論馬實力及鬥志均可取。
尾場蘇廐「瑩然英峻」上次久休復出於1400米爆冷，有人覺得與該場步速慢，郭能醒目地中段提早踩油贏了形勢有關，但以該場頭1000米步速慢至59秒84，而「瑩然英峻」能交22秒45拉士，令總時間只較標準慢兩線，其實相當厲害，只加七分並未反映當中難度，加上蘇保羅為今季新勝馬再出表現最佳馬房之一，「瑩然英峻」今次乘勝追擊，力足再下一城

1 評分次數